Raon long Jos
Miusik Konset long Puerto Riko I Pulum Plante Taosen Man
Long 18 Disemba 2011, ol memba blong faef stek blong Puerto Riko oli bin tekempat long wan Krismes Konset we oli bin holem long Paseo se las Artes, long siti blong Kaguas. Samples 85 memba blong Jos oli bin singsing, mo kolosap 2 500 memba blong komuniti oli bin kam.
Niufala Senta blong Ol Yang Adalt long Afrika, i Nambatri Senta
Long 4 Novemba 2011, ol yang adalt blong Soweto Saot Afrika Stek oli bin holem fas aktiviti blong olgeta long wan niu bilding we bae oli yusum nomo olsem wan yang adalt senta.
Moa long 140 senta i stap raon long Yurop, mo sam oli stap raon long Yunaeted Stet. Senta we i stap long Soweta, hem i nambatri senta blong Afrika; ol narawan oli stap long Dimokratik Ripablik blong Kongo mo Simbabwe.
Wan Spesel Wei i Mekem Plante Kwestin i Kam
Wan rol pepa i bin stat blong misinari aktiviti “Ol Kwestin blong God” long Nisni, Novgorod, Rasia, long 9 Oktoba 2011.
Ova long plante aoa, moa long 150 pipol oli bin stop long tu tebol long wan strit we fulap man i stap pas long hem, mo oli pikimap ol pen, mo oli bin raetemdaon ol kwestin. Evriwan, i bin gat 84 kwestin we oli bin raetem long wan rol pepa. Plante pipol oli bin talemaot se oli bin wantem wan ansa long ol misinari we oli bin stap.