BibleVideos.LDS.org I Wan Presen I Go long Wol

Long taem blong 2011 Fas Presidensi Krismes Divosen, ol lida blong Jos oli bin presentem Laef blong Jisas Kraes Vidio websaet, olsem wan “presen” i go long wol.

BibleVideos.lds.org i wan spring blong ol orijinol sot vidio we i soemaot ol pat blong laef blong Kraes, we i stat long enjel we i stap talemaot finis we Kraes bae i bon mo i stap talemaot finis we Kraes bae i laef bakegen long ded.

Presiden Henri B. Aering, Fas Kaonsela long Fas Presidensi, i bin anaonsem websaet ia long taem blong divosen ia.

“Olsem ol skripja, we ol sot muvi ia oli stap folem gud storian blong hem, ol muvi ia oli mekem yu stap kwaet,” hem i talem. “Fet blong yu mo Tabu Spirit bae i krietem ol filing ia we ol samting ia we oli bin hapen long wol i jenisim.”

Ol samting blong muvi ia, i kamaot long ol muvi we oli tekem long niu LDS Motion Picture Studio blong Jos long Saot Kampas long Gosen, Yuta, ples ia we oli mekem muvi blong Niu Testeman Skripja Laebri Projek i bin stat long Ogis 2011.

Projek ia i gat moa long 100 sot stori we i tokbaot laef blong Kraes, we oli tekemaot stret long ol toktok blong King Jemes vesen blong Baebol.

Websaet ia i isi blong yusum mo i stap long Inglis (BibleVideos.lds.org), Spanis (videosdelabiblia.org), mo Potugis (videosdabiblia.org). Wan fri program blong Aepad (smol flat kompiuta we oli holem long han) i stap tu, mo i givim wan niu wei blong gotru long ol Baebol stori tru long wanem yu luk, harem mo tajem.