From Wanem Seminari?

Long tingting blong yu, wanem nao hem i samting we i moa impoten we wan studen i save kasem aot long seminari mo institiut? Taem wan grup blong seminari studen oli bin askem Komisina blong Jos Edukesen Sistem, Elda Pol V. Jonson blong Olgeta Seventi long semfala kwestin ia, hem i bin ansa se samting we i moa impoten we yu save kasem i wan “tru testemoni se Jisas Hem i Kraes. Blong andastanem se tru save, i save long saed blong spirit. Hem i wanem we i kam tru long Tabu Spirit i go long ol sol blong wanwan long yumi. Hemia i trutok we i gat moa paoa, samting we i gat moa paoa we i save kamaot long seminari mo institiut. Hem i no jenisim wanem we yu save; hem i jenisim huia yu, mo hem i jenisim olsem wanem yu stap lukluk wol. Mo kaen hae edukesen ia i helpem yu blong mekem ol nara edukesen blong yu oli kam fulwan” (“A Higher Education,” New Era, Epril 2009, 15).

Elda Jonson i wan long ol plante Jeneral Atoriti we i bin tokbaot ol gudfala blesing we oli kam taem wan i go long seminari mo institiut. So, sapos yu stap askem yuwan from wanem nao yu mas go long seminari, hemia sam gudfala risen we oli kam long ol profet mo ol aposol.