Elder Craig A. Cardon

No Elder Craig Allen Cardon, tei fanuu-apî-hia mai te pŭpŭ piti no te Hitu Ahuru i te pŭpŭ matamua, ua parau mai oia no te faaûruraa a te Varua i roto i te mau mea maitai atoa o to’na oraraa.

« Ua tauturu mai to’u na metua vahine e metua tane ia’u i to’u vai-tamarii-raa ia haamata i te haroaroa i te reo o te Varua, ia maramarama mai i te mea i to’u aau », ta’na ïa faahaamana‘o mai. « E roaa tera reni paraparauraa i te Fatu i te mau taata atoa o te imi itoito nei i te reira e e mea faufaa rahi ho‘i te reira i roto i teie ohipa hanahana ».

I muri mai ta’na misioni i te fenua Italia, ua faaipoipo Elder Cardon ia Deborah Louise Dana i te ava‘e novema 1970 i roto i te hiero no Mesa Arizona. 13 noa matahiti i muri mai, ua riro mai Elder Carderon ei peresideni no te Misioni no Italia Roma. I tera tau, hitu o ta raua na va‘u tamarii tei fanauhia e to ratou matahiti e haere mai te iva ava‘e e tae atu i te 11 matahiti.

« Na te reira noa e faaite ia outou te huru o te tuahine Cardon », ua na ô mai Elder Cardon. « Ua riro to’na faaroo, to’na here, to’na faaoroma‘i, e to’na mărû ei haamaitairaa faahiahia mau no’u nei, no to maua utuafare e no ratou atoa o te matau nei ia’na ».

Matahiti 2006 i te matahiti 2011, ua tavini Elder Cardon i roto i te peresideniraa no te area no Afirita Too‘a o te râ, ua riro mai te reira ei « haamaitairaa faahiahia no te taviniraa i rotopu i te nunaa o ta maua e here rahi nei ».

I roto i to’na oraraa, ua horo‘a Elder Cardon te rahiraa o to’na taime no te ohipa haaputuputuraa titiro e te utuafare e te mau faanahoraa feia apî i to’na fenua e na te ara.

Ua fanauhia Elder Cardon e Wilford Pratt raua Vilate Allen Cardon i Mesa, i Arizona, i te mau Hau Amui no Marite, i te ava‘e titema 1948. I te roaaraa ta’na parau tu‘ite « bachelor » no te numeraraa i te mau haamau‘araa mai te haapiiraa tuatoru no Arizona State University, ua rave oia i te ohipa no’na iho e na taiete rau. Ua roaa ia’na te parau tu‘ite « MPA » mai te fare haapiiraa Kennedy School no Harvard University.

Na mua a‘e ta’na piiraa ei Hui mana faatere, ua tavini oia ei peresideni pŭpŭ peresibutero, misionare tĭtĭ, peresideni misioni, episekopo, peresideni tĭtĭ, orometua no te haapiiraa tumu o te evanelia, e orometua no te haapiiraa evanelia na te feia apî paari.

« Te faaho‘i nei te Fatu i Ta’na mau tamarii na te ao atoa nei », ua na ô mai Elder Cardon. « Noa’tu te huru oraraa o te taata tata‘itahi, ua nava‘i te aroha o Iesu Mesia no ratou atoa e haere mai Ia’na ra ».