Kakaitau nakon Au Tia Reirei n Tabati

Au kiraati n te Reirei n Tabati e aki karinerine n tainako. I tatangiria n ongora nakon te reirei ni katoa wiiki, ma n tabetai e taraa n ae tabeman n au kiraati aki. N tabetai a marooro imarenaia ke n takakaro iaon bwaai aika maiu man te iti ngkai ara tia reirei e kataia n reireiniira. Te kananokawaki, n tabetai I kunea bwa ngai mwakoron te kanganga.

Teuana te wiiki ti a buakaka riki nakon are mai imwaina, ao n tokin te kiraati, ara tia reirei e a waanako rannimatana ibukina bwa akea ae kona ni kakauongo nakon ana reirei. Ngke ti otinako man te umwanreirei, I a nanoangaia.

Te Tabati are imwiina ara tia reirei e kamatata bwa e a tia ni kabatia ana tataro n te wiiki anne, n ukoukora te kairiri, ao e kaoti nakoina bwa e riai ni kaota nakoira tamnein te Ekaretia. E a kaota te tamnei, are bon taekan maiun Iesu Kristo ao taian kakai are E karaoi.

Ngkai I iangoa taekan te birim n te tairiki anne, I namakina te bwai ae kaokoro. N te tai ae karina I nooria bwa I namakina te Tamnei, n ae rangin korakora nakon are I karekea mai imwaaina. N te tai ae waekoa I baireia bwa I kan karaoa te bitaki inanon maiu n riki n ai aron te Tia Kamaiu, ao I noora te taneiai n te Reirei n Tabati n te bong anne e a tia ni kakorakora au onimaki. I kakaitau ibukin au tia reirei n te Reirei n Tabati ao bwaai ni kabane ake e karaoi ibukin ara kiraati ni katoa wiiki.