Te Rongorongo n Reirei ni Kaakawari, Tuun 2012
Te Reirei ni Kakawari—te Katabeaki ae Tabu
Tataro mwaaka ni kamatebwaia te bwai n reirei aei, n arona ae riai, maroroakinna ma aine ake ko kawariia. Kabonganai titiraki bwa a na buokiko ni kakorakoraia aine ao ni karaoa te Bootaki n Aine bwa iteran maium ae kakawaki.
Onimaki, Utu, Buoka
N aroia taan reirei ni kakawari, iai ara mition n te maiu n tamnei ae ti na kakoroa bukina. “Te bitiobi, are te tia kawakin tiibu ae katabuaki n te uoote, e aki kona n tararuaia ana tiibu te Uea n te tai ae ti teuana. E onimakiniia taan reirei ni kakawari aika a kairaki ni buokia.”1 Ukoukoran ao karekean te kaotioti n aron are e baireaki bwa antai ae e na katabeaki iai n tararuaia titita n tatabemaniia nako ngkai a boni kakawaki.
Karekean te kairi mai karawa e moa mai irouia kaain te Beretitentii n te Bootaki n Aine a tataro ni marooroakin kainano irouia aine ma aia utu. Imwiina, n ana kariaia te bitiobi, te Beretitentii n te Bootaki n Aine a anga te katabeaki ni buokiia titita ni kamataata bwa te reirei ni kakawari bon te beku ae moan te kakawaki.2
Taan reirei ni kakawari ana riai ni kinaia ao n tangiria raoia n aine, buokiia bwa e na kakorakora ana onimaki, ao n anga te ibuobuoki ngkana e kainanoaki. A ukerii kairiiri mai karawa n te aro bwa a na atai kainanon rabwataia ma tmneia tariia ake a kawariia.3
“Te reirei ni kakawari e riki bwa Ana mwakuri te Uea n te tai are nanora a bane irouia aomata ma tiaki taian betienti. Ni koauana, te reirei ni kakawari bon akea tokina. E moanibwai moa bwa te maeu nakon ae te mwakuri.”4
Man Booki Aika Tabu
Man Ara Rongorongo ni Kawai
Eliza R. Snow, ngaia te kauoman ni Beretitenti n te Bootaki n Aine e reirei, “I tangira te nakoa ae te tia reirei bwa e na rietaata ao man tabu.” E reirei nakoia taan reirei ni kakawari “n te aro bwa ko na kaonaki n Tamnein te Atua, n te wanawana, man nanorinano, man tangira” imwaain are e kawari auti n te aro bwa e aonga ni kona ni karekei kainano ibukin te tamnei ao te rabwata. E taku, “Ko na bon kona n namakinna bwa ko na taekinii taeka aika rau ao ni karaunano, ao ngkana ko ataia bwa tarim anne e namakinna bwa e rootaki, butimwaia nako nanom ao karaua [nanona].”5
Ao ngkai ti waakinako n ai aroia are a karaoia kaain te Bootaki n Aine ake ngkoa, e na reke iroura te Tamnei ae Raoiroi ao ti na kairaki bwa ti na kanga ni buokiia tarira ake ti kawaria. “Waaki [ngaira] ukoukora te wanawana man te korakora,” e taku tarira ae Snow, “ao [ti] na karekea te korakora [ti[ na kamwakura te wanawana.”6
© 2012 irounInterllectual Reserve, Inc. A bane n tauaki mwiin taian kariaia ibukin katootongana. Boretiaki i USA. Kariaiakaki n te Ingiriti: 6/11. Kariaiakaki rairana: 6/11. Rairakin te Visiting Teaching Message, June 2012. Kiribati. 10366 859