O Tusigāmanatu Konafesi e Avatu Ai i Tagata Faitau se Vaaiga o Mea e Faamamafa mai i Konafesi

O le a fesoasoani i tagata faitau se vaega fou, ma masani ai o mekasini o le Liahona ma le Ensign—Tusigāmanatu Konafesi—e suesue ma faaaoga ai ia aoaoga mai lauga lata mai nei na tuuina mai e perofeta ma aposetolo soifua o aso nei.

Na amataina ia Ianuari 2012, o le a i ai le vaega i lomiga e valu i le tausaga atoa—ma e tasi le tusigāmanatu mo masina uma e ese mai i lomiga o Me, Iuni, Novema, ma Tesema. O lomiga o Me ma Novema o le a aofia ai lauga o le konafesi lava ia.

E faaopoopo atu i le faaaofia ai o otootoga pupuu, atatusi lanu, motugaafa mo suesuega, ma mau e faatatau i ai, o Tusigāmanatu Konafesi o le a aofia ai ni gaoioiga faigofie. O le a aofia ai foi ni tala a tagata o le ekalesia po o ni fesili o le talalelei na taliina i lauga o le konafesi.

E ui o nisi o mea o loo faailoa mai i Tusigāmanatu Konafesi ua mamanuina e faamanatu ai i tagata faitau ia lauga na tuuina mai i le konafesi aoao lata mai, ae o isi mea o loo faaalia ai e saunia ai le au faitau mo le konafesi o loma.

O vaega taitasi o Tusigāmanatu Konafesi o le a tasi i le fa itulau le uumi ma o le a suitulaga i le vaega masani o Mea Laiti ma Faatauvaa i mekasini o le Liahona ma le Ensign.