Ilo Ioļapļap in Kōppopo eo am̧ n̄an juon Mijen

Būreejtōn Uchtdorf eaar jiron̄ mijenede ro n̄an ļōmņak kōn er make āinwōt rej pād ilo ioļapļap in mijen ko aer. Kwoj maron̄ barāinwōt kōjerbal ļōmņak in n̄an kōppopo eo am n̄an mijen: Men̄e kwoj 12 ak 18, kwomaron̄ pojak n̄an jerbale juon mijen.

Ta jet men ko kwomaron̄ kōm̧m̧ani ‟ilo ioļapļap in” kōppopo eo am̧ n̄an mijen?

• Iien otemjej erreo n̄an etal n̄an tampeļ.

• Ekkatak n̄an kile unoojdikdik ko jān Jetōb Kwojarjar kōn je im̧we ko am̧ im jerbal ekkar n̄ani.

• Jar kōn mijenede ro.

• Kajjitōk ippān mijenede ro ilo eria eo am̧ ta eo rej elmakote bwe kwon kōm̧m̧ane n̄an kōppopo n̄an jerbale juon mijen.

• Ekkatak n̄an kōjparok im kajjejjet am̧ iien, ekoba m̧akūtkūt ko raorōk āinwōt jerbal in jipan̄, ekkatak jeje ko rekwojarjar, im jeje ilo jōōņōļ eo am̧.

• N̄e kōnono ippan juon membōr in baamle eo, kwaļo̧k juon eoon eo eaar im̧we eok. Kōmeļeļeik ta eo kwoj ļōmņak e kōn eoon eo.

• Kajjitōk ippān ro m̧ōttam kōn kabun̄ ko aer im ta eo rej tōmak. M̧ōņōņō n̄an kwaļo̧k tōmak ko am. Karuwaineneik er n̄an jar ak m̧akūtkūt ko.

Ilo am̧ kile bwe kwoj pād ilo ioļapļap in kōppopo eo am n̄an mijen, kwomaron̄ mour kōn mour eo am̧ n̄an erreo ļo̧k n̄an lōke eo an Irooj im jem̧jerā eo an Jetōb.