Angang non ewe Tempel

Nupwen ua tori 17 ieri, ua poputa ne ekieki usun ewe fansoun mwei, me ua iotek ngeni Semach won Nang usun met ua tongeni fori ne ammonata pwe upwe feino won ai misin me angei ewe Pristut seni Melkisetek. Ua mefi pwe mi och ai upwe feino ngeni ewe tempel fan chommong pokiten ewe tempel mi ewe imwen ewe Samon me epwe ew neni ia ua tongeni mefi arap ngeni Semei won Nang ia.

Iwe ua akokkot ne fori 1,000 angangen papatais non ew ier. Ua ennetin mefi pwe mi namwot pwe upwe fori ei kokkot; ua echikipin pwe upwe sinei ika mi pung pwe upwe fori ei. Semach won Nang a ponueni ei, me ua poputa ne feino ngeni ewe Tampico Mexico Tempel iteiten Ammon.

Mwirin ua fori 500 angangen papatais, ua akokkot ai upwe kutta uruon ai famini fan iten ai kewe newo, me ua fokkun sani ne kutta ai kewe newo iwe use tongeni annut pokiten ua kutta ekkewe it. Ua kuna 50 it me wanu tapin aramas seni uruon ai famini; Ua aninis ne fori ewe angangen tempel fan iter meinisin.

Ua fori nap seni 1,300 angangen papatais, me ua sechunio seni seminary, angei ewe Pristut seni Melkisetek, me iei ua fori angangen misineri, ena ew mettoch ua kokkot ngeni non manauei.