An ewe Chon Amanau Kokko ne Angang

Aramas meinisin mi fen kaeo usun pekin kapach mi fen sinei met wewen ew common denominator (ew mettoch mi nonno nein fitu mettoch). Ren ekkewe Souneng non Fansoun Soponon, mi wor ew common denominator mi ririfengeni kich meinisin. Ena common denominator mi ewe kokko kich meinisin mi angei ne fori ekkewe wis non ewe muun Kot won fonufan.

En mi ngunungun nupwen ka angei ew kokko? Ika ka etiwa ren kinisou ewe tufich ne angang ngeni pwimi ika fefinemi, pun ka sinei pwe Semach won Nang epwe efeiochu ekkewe A kokkori?

Ua apinukunuk pwe sisap monukao ewe ennetin popunapen ekkewe tufichin angang ngeni ekkoch. Ena popun, ena popun ese much, mi ewe chok ewe Samon a kapas usun non ewe Pearl of Great Price: Pun nengeni, iei an angang me an ning—ne esenipato ewe manau fochofoch me manau ese much fan iten aramas meinisin.¹

Amo ita sipwe chechemeni wisen chon Ewe Mwichefenin Jises Kraist ren Aramas mi Pin non Fansoun Soponon esap chok ew minen kinamwei nge fen ew minen wis. Wisach, fiti wisach ne amanaua pwisin kich, pwe sipwe emweni pwan ekkoch aramas ngeni ewe muun selestial an Kot.

Sipwe mochen fetan non ewe anen angang ngeni Kot, sisap usun Cardinal Wolsey, minnei Shakespeare a mak usun. Mwirin ese chuen wor an pochokun seni an angang ngeni ewe king non unusan manauan, a netipengau me a apasa:

Met sokun angang mi namwot ngeni nang? Ewe Samon a mochen ew netip me tup mi mochen fori netipan; ekkewe mi mochen fori netipan me anneasochisi repwe mongo ekkewe mettoch mi murino non ewe fonuen Saion non ekkei fansoun soponon.³

Ua kouno nupwen ua ekieki usun kapasen Preseten John Taylor (1808–87): “Ika kese fori wisom kewe, kopwe angei niwinin seni Kot ika kese amanaua emon pokiten kese fori wisom.”⁴

Manauen Jises nupwen a afanafan nein aramas mi usun ew saram mi murino ngeni aramas. “Ngang ua nom neimi usun emon chon angang,”⁵ Jises a apasa nupwen a apochokuna pechan ewe mi pechema, suki mesen ewe mi mesechun, suki seningan ewe mi seniepung, me amanaua inisin ewe mi mano.

Ewe kapas monomon usun ewe Re-Samaria, ewe Masta a aitikich ne tongei ekkewe monun unukuch usun pwisin kich.⁶ A ponueni kapasen ewe chon nemenem mi pisekisek, A aiti kich pwe sipwe nikitano ach mochenia.⁷ Nupwen a amongoni ekkewe 5,000, A aiti kich ne kuna ekkewe osupwangen ekkoch.⁸ Me non ewe Afanafan won ewe Chukuchukuta, A aiti kich ne akkom kutta ewe muun Kot.⁹

Won ewe Fonu mi Fo, ewe Samon mi fen manausefan a apasa, “Oua sinei ekkewe mettoch oupwe fori me non ai we mwichefen; pokiten oua kuna seni ekkewe angang ua fori, ina oupwe pwan fori usun chok; nge ami oupwe fori usun ai fori, oupwe anapano seniei.”¹⁰

Sia efeiochu ekkoch nupwen sia angang ren “Jises ewe re Nazareth … [ewe] a fori an angang mi murinno.”¹¹ Kot epwe efeiochu kich ren pwapwa ren ach angang ngeni Semach won Nang nupwen sia angang ngeni Noun kewe semirit won fonufan.