2012
Foffor non ewe Fansoun mi Namwot
August 2012

Poraus seni Fefin Chon Amwa, August 2012

Foffor non ewe Fansoun mi Namwot

Kopwe anneani ekkei mettoch iwe, nupwen mi och, kopwe aporausa ren ekkewe fefin ka churir. Kopwe aea ekkewe kapas eis ne anisuk ne apochokuna ekkewe fefin ka churir me pwan aochu manauom ren aean Fin Anisi.

Sasing
Apungan Fin Anisi

Nuku, Famini, Aninis

Kich fefin chon amwa, ew wisach pwe sipwe aninis ne apochokutata famini me imw. Ekkewe fefin sia churi repwe tongeni apasa, “Ika mi wor ai osukosuk, ua sinei pwe ai kewe fefin chon amwa repwe anisiei ina mo pwe use tingorer.” Ika sipwe angang ngeni ir, mi wor wisach pwe sipwe sinei usun osupwangen ekkewe fefin sia churi. Nupwen sia kutta pwarata, sipwe sinei met sipwe fori ren osupwangen emon me emon fefin non pekin ngun me inis, ekkewe sia churi. Iwe, ren ach aea ach fansoun, tufich, nipwakoch, iotekin nuku, me aninis non pekin ngun me memef, sia tongeni fori angang mi fiti tong non ekkewe fansounen semwen, mano, me pwan och sokun osukosuk.1

Ren aninisin ekkewe report seni ekkewe fefin chon amwa, ewe presetensin ekkewe Fin Anisi mi tongeni esinna ekkewe mi osupwang ren och mettoch pokiten semwinin inis ika ngun, osukosuk, uputiw, mano, feingau, netipingau pokiten ra anaemon chok, ika pwan och sokun sosot. Ewe presetenin ekkewe Fin Anisi a pwan aporausa met a kaeo ngeni ewe pisop. Fan an emwen, a akkota aninis.2

Kich fefin chon amwa mi wor ew watten popun pwe sipwe pwapwa pokiten ekkewe feioch sia fen angei, pwe sia tongeni winiti pisekin angang non poun Kot ne esenipato ei angang mi napanap (nengeni Alma 26:1, 3).

Seni ekkewe Pukfel

Matthew 22:37–40; Luke 10:29–37; Alma 26:1–4; Nengeni Doctrine and Covenants 82:18–19

Seni Ach Uruo

Nepoputan ewe Mwichefen, ese chommong chon ewe Mwichefen me ra nom non ew neni. Ekkewe memper mi tongeni muttir aninis ika emon mi osukosuk. Ikenai mi wor nap seni 14 minion memper me sia nom ekkis meinisin won fonufan. Fefin chon amwa mi ew kinikinin ewe kokkoten ewe Samon ne awora aninis ngeni meinisin Noun kewe semirit.

“Ewe chok napanap ne awora aninis me aurur ngeni unusen ewe mwichefen mi fokkun watte non ew fonufan mi sokono epwe feito seni ekkewe aramas mi nom arap ngeni ekkewe mi osukosuk,” Preseten Henry B. Eyring, ewe Aewin Chon Anisin non ewe Aewin Presetensi a apasa.

“… Mi wor emon presetenin Fin Anisi pwe iteiten pisop me presetenin pranch mi tongeni anongonong won,” a sopweno ne apasa. “Mi wor an kewe fefin chon amwa, ir mi sinei ekkewe sosot me osukosuken emon me emon fefin. Me rer, i a tongeni sinei netipen ekkewe aramas me famini. I mi tongeni anisir me anisi ewe pisop ren wisan ne tumunu ekkewe aramas me famini.”3

© 2012 seni Intellectual Reserve, Inc. Meinisin pung mi kawor. A for non Merika. Kapungunon non fosun Merika: 6/11. Kapungunon chiakun: 6/11. Chiakun Visiting Teaching Message, August 2012. Chuukese. 10368 901

Esinesin

  1. Nengeni Handbook 2: Administering the Church (2010), 9.5.1; 9.6.2.

  2. Nengeni Handbook 2, 9.6.2.

  3. Henry B. Eyring, non Daughters in My Kingdom: The History and Work of Relief Society (2011), 110.

Met Ua Tongeni Fori?

  1. Ngang mi aea ai kewe nifang me tufich ne efeiochu ekkoch?

  2. Ekkewe fefin ua churi mi sinei pwe ua mochen anisir ika ra osukosuk?