Stap Save Wanem blong Talem

Sapos yu filim se yu no save inaf long gospel blong serem wetem ol narafala man, kasem kamfot tru long ol promes ia long ol skripja:

Lod i talem we yumi stap blong leftemap ol voes blong yumi long ol pipol ia mo talemaot ol tingting we bae hem i putum long hat blong yumi, blong bae yumi no save lusum fes long fored blong ol man.

From wanem we bae yumi talem bae hem i givim long yumi long aoa ia, mo long sem taem ia nomo (luk long D&C 100:5–6).

“Mo Spirit ya blong Givhan, we hem i Tabu Spirit, we bambae Papa blong mi i save sanem i kam long nem blong mi, hem bambae i save tijim yufala long olgeta samting. Bambae hem i save mekem yufala i tingbaot olgeta samting ya bakegen, we mi mi stap talem long yufala” (Jon 14:26).

Hemia ol bigfala promes, be blong kasem olgeta, yumi mas mekem pat blong yumi. Long mesej ia, Presiden Aering i bin tijim yumi olsem wanem blong mekem: “Rere blong serem [gospel] taem yu fulumap maen blong yu evri dei wetem ol trutok blong gospel.” Wanem nao yumi save mekem blong fulumap ol maen blong yumi wetem ol trutok blong gospel?