Ese Dahme Ke Pahn Nda

Ma komw pehm me e sohte itar omwi ese duwen rongamwahuo pwehn ehukihieng mehteikan, komw kak ahniki kaloalamwahu sang inou pwukat me kohsang nan pwuhk sarawi:

Kauno mahsanih kitail en kihda ngilatail kan ong aramas pwukat oh koasoaia madamadau kan me E pahn ketikihieng nan mohngiongitail kan, oh kitail sohte pahn pingida mwohn aramas.

Pwe dahme kitail konehng nda pahn kohieng kitail nan awao, ehi, ni ansouohte (tehk D&C 100:5–6).

“A Sounsawaso, Ngehn Sarawi, me Semei pahn poaronehdo ni edei, iei ih me pahn kawehwehiong kumwail mehkan koaros, oh katakatamankin kumwail mehkoaros me I ndaiongkumwailehr.” (Sohn 14:26)

Inou pwukat iei inou lapkei , ahpw pwehn alehdi, kitail anahne wia atail pali. Nan iren mahsen wet, President Eyring padahkihieng kitail duwen: “Kaunopada pwehn kalohki [rongamwahuo] ni atail pahn audehki moangatail rahn koaros me mehlel kan en rongamwahuo.” Dahme komw kak wia pwehn audehki moangomwen mehlel kan en rongamwahuo?