2012
Anahn Tohrohr Kan oh Sawas me Kohdahr
September 2012

Iren Mahsen en Padahk en Pas, Septempe 2012

Anahn Tohrohr Kan oh Sawas me Kohdahr

Onopiki ni kapakap iren mahsen wet oh, nin duwen me konehng, koasoaiahkihieng lih akan me komw kin pwarek. Doadoahngki peidek kan pwehn seweseikomwi kakehlailih riomw lih akan oh pwehn wiahda Pwihn en Sawas en Lih en wiahla pali kesempwal en pein ahmw mour.

Kilel
Kilel en Pwihn en Sawas en Lih

Pwoson, Peneinei, Sawas

“Anahn akan en mehteikan kin ansou koaros mie,” President Thomas S. Monson mahsanih, “oh emenemen kitail kak wia mehkot pwehn sewese emen aramas. … Ma kitail sohte pahn tohnmeteikihla pein kitail ni atail papah mehteikan, e pahn tikitik kahrepen atail mour kan.”1

Nin duwen sounpadahk kan en pas kitail kak esehla mehlel oh poakohng emenemen lih me kitail kin pwarek. Papah irail akan me kitail kin pwarek pahn pein pwilido sang ni atail poakohng irail (tehk Sohn 13:34–35).

Ia duwen atail kak ese anahn akan en pali ngehn oh paliwar en riatail lih akan pwe kitail en kak patohwanda sawas ni ansou me e anahn? Nin duwen sounpadahk kan en pas, kitail ahniki pwuhng en alehdi kamarain ni ansou me kitail kin kapakapki irail akan me kitail kin pwarek.

E pil kesempwal kitail en kin kalapw tuhwong de loakaiahieng riatail lih akan. Pwaralahng, delepwohnlahng, nting kisin likou mwotomwot en kangoang ong ih, email ong ih, mwomwohd reh, lokaiahn kaping mehlel ong ih, nsenohkihda ih nihmwen sarawio, sewese ih nan ansou en soumwahu de anahn, oh mwekid teikan en papah koaruhsiehn kin seweseikitail en tetehk oh kakehlailih emenemen.2

Pekipek pil kohieng sounpadahk kan en pas en repwohtki onopek, anahn tohrohr en lih akan, oh sawas me kohieng irail. Soangen repwoht pwukat oh atail papah ong riatail lih akan kin seweseikitail en kasalehda atail wia tohnpadahk.3

Sang Pwuhk Sarawi Kan

Sohn 10:14–16; 3 Nephi 17:7, 9; Moroni 6:3–4

Sang Atail Poadoapoad

Papah emenemen wia sangete mahs poahsoan en padahk en pas. Sang ni sawas me poatoapoat kitail kin kasalehda kadek oh limpoak en pirien me kin siksang atail pas kan en ehuehu sounpwong. Iei atail kin nsenoh me mie katepe.

“Ahi ineng iei en peki rehn riatail lih akan en dehier pwunodiki delepwohn de pas pak pahieu nan ehu pahr de nan sounpwong koaros,” Mary Ellen Smoot, president lap ke-ehk silimen en Pwihn en Sawas Lih nda. E peki kitail en “uhd nsenohki apwahpwalih aramas me anahne.”4

President Spencer W. Kimball (1895–1985) padahngki, “E kesempwal mehlel kitail en papah emenemen nan wehio.” Ahpw e wehwehki me kaidehn papah koaros kin anahne en wia mehkot kapwuriamwei de warohng ndand. “Pak tohto, atail mwekid kan en papah kin wiahte kisin kangoang de kisakis … sawas ong doadoahk pisetik kan en ehuehu rahn,” e mahsanih, “ahpw lipw lingan akan pahn pwilido … sang doadoahk tikitik kan me kitail koasoanehdi en wia!”5

© 2012 sang Intellectual Reserve, Inc. Kolokol pwuhng koaros. Ntingda nan USA. Kamanaman ong lokaiahn wai: 6/11. Kamanaman ong kawehwe: 6/11. Kawehwehpen Visiting Teaching Message, Septemper 2012. Pohnpeian. 10369 885

Iren Sawas Akan

  1. Thomas S. Monson, “What Have I Done for Someone Today?” Liahona, Nohpempe 2009, 85.

  2. Tehk Handbook 2: Administering the Church (2010), 9.5.1.

  3. Tehk Handbook 2,9.5.4.

  4. Mary Ellen Smoot, nan Daughters in My Kingdom: The History and Work of Relief Society (2011), 117.

  5. Teachings of Presidents of the Church: Spencer W. Kimball (2006), 82.

Dahme I Kak Wia?

  1. I kin raparapahki kamarain ong pein ngehi pwe I en ese duwen apwaliala anahn akan en paliwar oh pali ngehn en emenemen lih akan me I pwukoahki tetehk?

  2. Ia mwomwen en lih akan me I kin tetehk ahr pahn ese me I nsenohkinirail oh arail peneinei kan?