Mahk Kin Wahdo Peren

President Uchtdorf padahngki me kitail konehng mahkong tohn atail peneinei. Tehk duwen ahn Joseph oh Anna ara pilipil kan eh mie lipwe ong ara peneinei.

Joseph oh rie serepein tikitik, Anna, sousounet. Anna adihasang nein Joseph nah mehn mwadongo. Dah me Joseph konehng wia?

Joseph lingeringerieng Anna. Anna sengiseng. Ahn Joseph ah nohnohu kemehki ah peiong rie serepeino. Joseph koluhkihla pilipil suwed me e wiahdao.

Joseph mahkong Anna oh kilangada ehu mehn mwadong tohrohr en mwadongki. Ira pereperen oh mwadmwadongpene. Ara nohnohu perenki Joseph eh kadekohng rie serepeino oh kolokol meleilei oh soanamwahu nan peneinei. Joseph pereniki eh pilada en mahk.

Mwuhr, Joseph oh Anna anahne sewese ara nohnohu kaunopada mwengehn soutik. Joseph sohte sawas. Dah me Anna konehng wia?

Anna lokaia tohtohiong ah nohnohu. Anna akupwungki ah pahn kelehpw wia doadoahko. Ansoun mwengehn soutik koaros nsensuwed pwehki akamaio.

Anna mahkong Joseph oh sawas wiahda mwengen soutiko. Ara nohnohu kapingki ahn Anna sawas. Peneineio mwengensoutikpene ni arail nsenamwahu. Anna nsenamwahuki ah pilada en mahk.

Ia duwen ahmw pilipil kan en mahk ahr kin lipwalipw ong nsenamwahu en omw peneinei?