Kapakap oh Meleilei

Ehu nihsoutiko I akamaiong ahi nohnohu oh I pil nsensuwekihla. Eri I koasoanehdi me I pahn kapakap. Mendahte ahi nsensuwedo oh sohte men kapakap, I ese me ma I pahn “kapakap” I pahn nsenamwahula oh sohla men akamai. Mwurin ahi nohnohu ah pidohisang nan pereo, I tepida kapakap. “Maing Sahm Nanleng, I patohdo rehmwi pwongpwongwet pwehki …” Soh. I duwarpeseng oh kihpeseng pehika; mwohkinin ngilen kasoakoahiek. I pwurehng song. “Sahm Nanleng, I anahne …” Mwo pil ngilen kasoakoahiek. I pehm Sehdan eh kin kangoangihie en dehr kapakap ong Sahm Nanleng pwehn peki sawas.

Ansouohte I ahniki pepehm en nda menlau! Eri ih met me I wia, oh madamadau kan tepida widekiei duwen soahng koaros me I kak kapingkihieng Semei Nanleng. Ni ansou me I nekier wia ahi kasapahl kalahngan ong Ih, I uhd koasoaia iren kapwunod en ansouo.

Mwuri I pehm meleilei kaselel loalei, pepehm karakar en pali ngehn me I ese me Samatail Nanleng oh ahi pahpa nohno poakohngie oh me ngehi seri en Koht. I kakehr pekimahk rehn ahi nohnohu oh alehda ah pekimahk ong ie.