Toso Tiko Ga na YACO Mai ni VeikaVinaka

Ena dua na bogi ni Vakaraubuka ka tautauvata ga kei ira na kena vo. O ira noqu itokani voleka vei au keimami a dabe tiko ena noqu rumu ni oti neimami sara iyaloyalo, vakasolokakana vagauna ka qai veidredrevaki ena domo levu. A vakalala na macawa e dua na yalo ni vakacegu dina, kau sa sega ni tarova rawa noqu matadredredre ena kena cowiri wavokita na rumu na italanoa kei na vakasama. Eso vei ira na tamata au qai sotavi ira walega ni bera e dua na vula; eso au sa kilai ira tu mai ena 25 na yabaki ni noqu bula taucoko.

Ena dua na gauna e dua vei ira na noqu itokani makawa sara keirau veiwaseitaka na veigauna makawa me baleti ira neirau itokani vakavuli mai na vica na yabaki sa oti. Neirau veitalanoa tiko, au vakasamataka sara noqu sa calati ira na itokani oqo, na neimami dau veilasamaki, kei na neimami dau veivolekati sara. Eda sa tauri ivola ena gauna oqo ka toso ki na veivanua kece sara e vuravura, ka da sa lai tu ena itutu eda sega vakadua ni bau tadra. Au cegulevu ena noqu vakanananutaka yani na veika era sa yali, kau qai raica wavokita na rumu na matadredredre ka ra vakavolivoliti au tu ena gauna o ya kau, ka cariba mai ena noqu vakasama na vakanananu: toso tiko ga na lako mai ni veika vinaka.

Na vakasama rawarawa o ya e sa rui bibi sara ga vei au, vakabibi ena veigauna au dau sotava kina na veisau dredre kau sa dau vakataratutu meu laiva na veika vinaka. Au sa calata na gauna sa oti e dina ga ni sa tu na gauna oqo, sasaga vakaukauwa meu rekitaka na gauna meu bula yani kina oqo ena qaqarauni kei na gugumatua. Au kila ni gauna au taukena kina e dua na ka vinaka, au vinakata meu taura matua ka kakua ni laiva me lako, na bogi vucesa ka marautaki ni Vakaraubuka oqo sa dua vei ira na gauna vinaka. Sa kena ivakarau ni gauna au kidava kina na vinaka ni veika sa yaco tiko, au dau tekivu namuma sara mai vakatotolo na kedra sa tasevu tiko yani vakatotolo na veika kece, ni ra sa dau yali yani kei gauna se ena kedra ituvaki.

Ia na bogi oqo a sega ni yaco mai na veivutuni e loma. Niu dabe toka ena vakadirorogo, vakavolivoliti mai vei ira na tamata au lomana, au kila ni dina ga ni so na veika vinaka ena dodonu ga mera na tini ka sega ni vakatitiqataki ni na levu ga mai na veika dredre mai liu, ia era na toso tiko ga mai na veika vinaka. Ka ra na dau yaco dina tu ga—keu vakatara me yaco vakakina. E dina ni ra sa toso ki liu o ira au dau lomana, na lala oya era na vakatawana na tamata vou ka veivakurabuitaki kei na veika dau yaco kau sega vakadua ni a se bau vakanananutaka mada.

Eso na gauna e sa dredre na toso ki liu, ia sa dodonu vei keda. Kei na toso ki liu e sega ni kena ibalebale mo guilecavi ira na itokani, vakasaurarataka na seyavu ni balolo ni vakanananu. E kena ibalebale meda dolava na lomada ki na marau e levu cake kei na veika levu cake me sotavi.

Ena vica na macawa ni oti na Vakaraubuka o ya, a mai vakacegui kina na mataveiliutaki ni noqu isoqosoqo ni uabula ni tabana. Me vaka e dua mai na dua na tabana lailai e rawa beka me vakadinadinataka, ni sa dredre dina me vakasamataki se cava ena yaco ni sa na mai oti na vakararavi vei ira na turaga oqo kei na marama veiwatini oqo, ka sa mai tubu cake sara vakalevu na neimami lomani ira ka dau vakabauta, talega. Ia au a bobo ka tokaruataka vei au na vei vosa a tarai au ena Vakaraubuka o ya: toso tiko ga na lako mai ni veika vinaka. Au a vakacegu ka vakavakarau me baleta na veisau.

Na veisau sa ikoya na sala ni Turaga. E vinakati keda o Koya meda marau ka tubu cake, meda vakauqeti ka toso ki liu ena noda bula. Na bula sa dua na ilakolako, kei na noda se marautaka tiko na gauna oqo ka vakavakarau tiko ki na veibolebole sega ni levei rawa, sa dodonu meda toso ki liu, ka yalodei tiko ga, me tadola na lomada ki na veika eda sotava kei na veika vinaka e sega ni vakatitiqataki na kedra sa lako tiko mai.