I a tia ma te karaurau ni wareka ao ni kamatebwaia te Riaona man te 1967, ao e a tia ni buokai ni karikirakeai n te maiu n tamnei. Ni katoa namwakaina I tataninga te maekatiin bwa I aonga n tabekakirake, n namakina ana wirikiriki Tamnein te Uea, ao ni karikirakea au koaua n te euangkerio. I tangiria riki “Katootongiia ao Karineakiia Ara Karo i Karawa” (Riaona, Beberuare 2012, 80). I kona ni karekea are e taekinna te koroboki bukina bwa bon ngai te tia karaoi korobanna.

I tangira te Riaona—e reireinai, e buokai, ao e kaeta maiu. Ngkana I wareki bwaai aika a raraoi n te ingabong, I kataia n raoiroi n te bong anne. Au tangira ao au onimaki a rikirake ni matoa ngkana I wareka te maekatiin. I anga naba te Riaona nakoia raoraou bwa bwaintangira. Ko bati n rabwa ngkai ko a tia n riki bwa te tia reirei ao te rao ae tamaroa!