Elder Craig C. Christensen

Si Elder Craig C. Christensen nagsugod sa pagserbisyo isip sakop sa Kapangulohan sa Seventy niadtong Agosto 1, 2012, human sa iyang tawag niini nga posisyon niadtong Abril 2012.

Natawo ngadto nila Sheron ug Colleen Christensen sa Siyudad sa Salt Lake, Utah, USA, niadtong Marso 1956, si Elder Christensen nagdako sa amihanang California sa “aktibo, maamumahong LDS nga pamilya.” Siya mihatag og gibug-aton nga siya kanunay nagtuo nga ang ebanghelyo tinuod, apan ang iyang pagpamatuod nalig-on atol sa iyang pag-misyon sa Chile.

“Isip usa ka misyonaryo, ang akong tinguha nga mobati sa Espiritu Santo nahimong makanunayon, ug ang akong pagpamatuod sa ebanghelyo milalum ug nahimong mas tinuod alang kanako,” siya miingon. Sa iyang misyon siya nakaangkon og paghigugma sa Basahon ni Mormon, nga nagpadayon sa iyang mga pagpanudlo karon.

Si Elder Christensen nahimong miyembro sa Una ug Ikadung Korum sa Seventy sukad 2002. Sa pinakabag-o lang, siya miserbisyo isip Executive Director sa Priesthood Department. Ang iyang mga calling sa una naglakip sa presidente sa Mexico South Area, presidente sa Mexico City East Mission, bishop, high councilor, ug stake mission president.

Si Elder Christensen adunay bachelor’s degree sa accounting gikan sa Brigham Young University and ug master sa business administration degree gikan sa University of Washington. Siya nanag-iya ug nagpadagan og mga negosyo sa retail automotive ug sa industriya sa real estate development, ug nahimong visiting instructor sa pipila ka mga unibersidad.

Giminyoan ni Elder Christensen si Debora Jones niadtong Marso 28, 1978. Sila nagpuyo sa Holladay, Utah, ug adunay upat ka anak ug lima ka apo.