Ang Simbahan Nagpahibalo sa Bag-ong Kurikulum sa Kabatan-onan 2013

Ang Simbahan mipahibalo sa bag-ong kurikulum—Come, Follow Me: Learning Resources for Youth—alang sa mga klase sa korum sa Aaaronic Priesthod, Young Women, ug Sunday School para sa mga batan-on sa 2013.

Usa sa importanting tumong sa Come, Follow Me mao ang pagtabang sa mga magtutudlo—sa simbahan ug sa panimalay—sa pagtudlo sama sa Manluluwas, paghimo sa mga leksyon nga ang pag-istorya nakasentro sa ebanghelyo. Kamo adunay dakong tahas sa pagtudlo ug pagkat-on.

“Ang focus mao ang paglig-on ug pagmugna og hugot nga pagtuo, pagkakabig, ug pagpamatuod, gamit ang pinakabag-ong mga pagtulun-an sa mga General Authority ug kinatibuk-ang kapangulohan sa auxiliary,” mabasa sa Septyembre 12, 2012, sulat gikan sa Unang Kapangulohan.

Ang Come, Follow Me giorganisar ngadto sa mga unit nga naka-focus sa usa ka doktrinal nga hilisgutan matag bulan ug hisgutan sa mga klase sa Sunday School, Young Women, ug Aaronic Priesthood.

Sa kada unit adunay daghang mga leksyon nga mahimong itudlo sa usa ka bulan, mao nga ang mga magtutudlo ug lider magtinguha sa inspirasyon ug magsabut kon unsa nga leksyon ang itudlo.

Bag-ong guidebook, Teaching the Gospel in the Savior’s Way, makatabang sa mga lider ug magtutudlo nga mas makasabut unsaon sa pagpahiangay sa mga leksyon sa talagsaong panginahanglan sa ilang mga batan-on ug sa pagtabang sa mga batan-ong makat-on sa ebanghelyo.

Ang tanang mga leksyon maprinta gikan sa Internet. Ang bersyon sa Come, Follow Me nga mahimong iprinta maanaa sa ulahi nga petsa. Sa pagtapos sa 2012 ang tanang outline sa leksyon maanaa sa internet sa 23 ka pinulongan.

Ang mga miyembro, lider, ug magtutudlo makasiksik sa bag-ong kurikulum diha sa internet sa lds.org/youth/learn.

Ang mga lider sa Area ug sa lokal mohatag og pagbansay alang sa mga lider ug magtutudlo sa dili pa matapos ang 2012.