Te Rongorongo ni Kakawari n Reirei, Ritembwa 2012
Kakawari n Reirei, te Mwakuri ni Kamaiu
Tataro mwaaka ni kamatebwaia te bwai n reirei aei, n arona ae riai, maroroakinna ma aine ake ko kawariia. Kabonganai titiraki bwa a na buokiko ni kakorakoraia aine ao ni karaoa te Bootaki n Aine bwa iteran maium ae kakaawaki.
Onimaki, Utu, Buoka
Te kakawari n reirei e anganiia aine te tibwanga n tararua, kakorakora, ao n reireia temanna ma temanna—bon ngaia te mwakuri ni koaua ni kamaiu. Rinanon te reirei ni kaakawari, a reireiaki aine n tei ibukin te Tia Kamaiu ao ni buokiia aine ni katauraoi ibukin kakabwaia n te maiu ae akea tokina.
“Ti na ‘kauring, maroroakina, kaunga, ao n reirei, ao ni kaoia [tabeman] n roko nakon Kristo’ (D&C 20:59), ngkai e taekinna te Uea n ana kaotioti,” e taku Beretitenti Spencer W. Kimball (1895–1985). E reitia, man taku, “Ami kakoaua bon te kawai ae rangi n tamaroa n reita te rongorongo.”1
Ngkana ngaira taan kakawari n reirei ti karakai ara atatai ni koauan te euangkerio, ara koaua a na kakorakoraaki ao ni boutokaaki irouia aine ake a katauraoi ao ni bwabetitoaki ao ni kamatoaaki. Ti buokiia membwa aika a boou bwa a ana riki bwa angka inanon te euangkerio. Rorokora ao ara tangira a ibuobuoki “kaokiia naake a tia n tionako [ao] kaabuei nanoia naake a tia n un n te euangkerio.”2 Ao ti kaungaia aine bwa a na nakon Kristo rinanon te nako n te tembora.
Kam na nako ni kamauii tamnei,” e taku Beretitenti Kimball nakoia taan kakawari n reirei, “ao antai ae e kona n taekinna ma mwaitiia aomata aika raraoi aika kakaonimaki n te Ekaretia ni boong aikai a kakaonimaki ibukina bwa ko mena ni mweengaia ao n anganiia te taratara ae boou, te tamnei ae boou. Ko kaoti bwaai aika a aki atai. Ko karakai riki aia taratara. …
“Ko nooria, ko aki ti kamaiuia aine aikai, ma ko bon kamaiuia naba buuia mwaane ao mweengaia.”3
Man Koroboki aika Tabu
Man Rongorongora Ngkoa
Ngke te Burabeti Iotebwa Timiti e katea te Bootaki n Aine, e taku bwa aine aki tii tararuaia kainnano ma ana kamaiuia naba tamnei. E reireiniia naba aine n te Ekaretia bwa iai tibwangaia ae moan te kakaawaki n ana babaire ni kamaiu te Tama are i Karawa.4 Ni kairaki man te reirei are e anga te Burabeti Iotebwa Timiti, ngaira aika aine n te Bootaki n Aine ti kona ni ikotaki ni mwakuri ni katauraoia aine ao aia utu nakon ana kakabwaia te Atua aika korakora.
“Ti na karekea te nanoanga imarenara,” e taku Beretitenti Brigham Young (1801–77), “ao kariaia [naake a] korakora bwa a na akoia n tararuaia ake a korakai bwa a na korakora, ao kariaia naake a nooraaba bwa a na kairiia aika mataki ni karokoa a kona n noora kawaia ibon irouia.”5
© 2012 iroun Intellectual Reserve, Inc. A bane n tauaki kariaia ni kabane. Boretiaki n te USA. Kariaiakana n te Ingiriti: 6/11. Kariaiakaki Rairana: 6/11. Rairan te Visiting Teaching Message, December 2012. Kiribati. 10372 859
Tera ae I Kona ni Karaoia?
-
E kanga te Bootaki n Aine ni katauraoai ibukin kakabwaia n te maiu ae akea tokina?
-
Tera ae I kona ni karaoia ni karikirakea te onimaki irouia ake I tararuaia?