Atong Pahina
Si Carolina L., edad 11, gikan sa Venezuela, nagtubo sa Ang Simbahan ni Jesukristo sa mga Santos sa Ulahing mga Adlaw ug kanunay nga ganahan nga moadto sa Templo sa Caracas Venezuela. Niadtong Marso 2012 mibisita siya sa templo sa unang higayon. Nakapalipay kaayo kini niya.
Duna koy espesyal kaayo nga pamilya. Ang simbahan unom ka oras ang gilay-on gikan namo, pero moadto mi kutob sa mahimo. Ang akong amahan mopanalangin sa sakrament alang namo kada Dominggo, ug ang akong mama motudlo nako sa Primary. Moadto mi sa Templo sa Recife Brazil kausa sa usa ka tuig. Magmisyon ko kon modako na ko. Magtuon ko sa mga kasulatan ug mag-ampo kada adlaw. Maningkamot ko nga mapahimuot ang Langitnong Amahan pinaagi sa pagbinuotan. Gimahal ko kaayo ang ebanghelyo.
Kevin L., edad 8, Brazil
Sa dihang miadto ko sa templo, nalingaw ko uban ni papa ug sa akong igsoon, nga si Ryan, samtang ang akong mama ug ang iyang amiga nagsesyon. Nagbinuotan gyud ko pag-ayo sa dihang diha ko sa hulatanan nga kwarto sa templo. Ganahan kaayo ko nga naa sa balay sa Langitnong Amahan ug mobati sa Iyang gugma ug sa Iyang kaayo pinaagi sa Espiritu. Gimahal nako ang balay sa Ginoo.
Jorge M., edad 6, Costa Rica
Ang akong manghud nga babaye, nga si Omega, ug ako ganahan nga makakita sa templo. Sa dihang ang among ward mobisita sa Templo sa Monterrey Mexico, mobiya mi sa tungang gabii ug mobiyahe og unom ka oras aron makaabut didto. Nasayud ako nga ang templo mao ang dapit diin ang mga pamilya mahimong mahangturon. Sa dili madugay mobalhin mi ngadto sa Tuxtla Gutiérrez. Adunay templo didto, ug makahimo na kami sa pagbisita kanunay. Mapasalamaton ako sa mga templo.
Helem N., edad 4, Mexico
Solene S., edad 6, Brazil
Drawing kini sa Templo sa Asunción Paraguay. Malipayon kaayo ko tungod kay sa dili madugay mabugkos na kami isip usa ka mahangturong pamilya. Magpasalamat ako sa Langitnong Amahan sa paghatag nako og pamilya.
Angelo N., edad 5, Paraguay
Sa dihang misulod ko sa Templo sa Quetzaltenango Guatemala, akong gibati ang tumang kalinaw. Atol sa pagpahinungod nalipay kaayo ko. Ang mga pakigpulong mituhop gyud sa akong kasingkasing.
Juan G., edad 11, Guatemala