Usa ka Makapainteres nga Kalihokan sa Pag-ampo

Si Presidente Eyring nagtudlo nga ang mga pag-ampo matubag sa daghang lain-laing paagi. Kamo makahimo og makapainteres nga kalihokan sa pagsiksik sa mga kasulatan aron mahibaloan ang pipila niadto nga mga paagi.

Gamita kini nga mapa sa pagsugod sa inyong panaw sa pagkat-on. Tan-awa ang kada kasulatan diha sa mapa. Sa blangko nga mga linya, pagsulat og pipila ka mga pulong nga naghulagway unsa ang giingon sa kasulatan kabahin sa pag-ampo.

Sa pagpadayon, mahimo ninyong isulat sa inyong journal kon unsa ang inyong nakat-unan ingon man ang inyong kasinatian kabahin sa pag-ampo nga natubag.