Menlau Kamwahuihala Mohngiongihiet

Ni ketemen en mehlahn riei pwutako, I medewehla dahngekan me I wia mwurin ah mehlao. I taman kaidehnte lokolok laud me I pehm ahpw pil kapai kan me Koht ketkihiengie.

I sohte kin wehwehki duwen aramas ahr kin kak nda me mehlahn emen kempoakepahrail wahdohng irail kapaikan. I sohte kak wehwehki ia mwomwen ahi kak ahniki peren oh kaping kalahnganki mehkot me kihiengie weirek laud. Ahpw mie ehu pwohng, me wekidala ahi madamadau.

I pirida nan likopen pwohngo ni mohngiong weirek laud sang me I kin ahniki lelledohr ansouo. I mwopwikihla weireko. I pwupwudi kelepwikihdi oh mwahieikihda ei kapakap ong Semei Nanleng. Erein ahi mour I alehdi padahk duwen Tomwo oh sapwellimen Sises Krais manaman en kamwahu. Met ahi pwoson ale kasongosong. I kamehlele? I pekihda Semei Nanleng en menlau kamwahuihala mohngiongi. Weireko laudsang me ngehi kelehpw kak apwalihala.

Eri pepehm en popohl, kaloalamwahu, oh limpoak kipehdi paliwereie pwon. I pehm me Koht ketin kapilkiniepene Lime oh ketin doareiehlahsang lokolok laud me I ahnikio. I loaleidikihte riei pwutako, ahpw I pehm me dahme I kilang wekilahr. Laud me I kak en esehla sang irair wet.

I ese me limpoak en Kauno oh popohl mie. Ihte kitail anahne alehda.