Si Elder M. Russell Ballard sa Korum sa Napulog Duhaka mga Apostoles bag-ohay lang nakighimamat kang Rev. Harvey Clemons Jr., pastor sa Pleasant Hill Baptist Church, ug sa mga lider sa ubang simbahan ug komunidad sa Texas, USA, aron sa paghisgot sa pagpalig-on sa mga pamilya ug mga komunidad taliwala sa mahagiton nga ekonomikanhon ug sosyal nga kahimtang.

Ang miting nahimo human ang mga misyonaryo sa Houston Texas North Mission misuporta sa dako nga proyekto sa pagserbisyo nga miresulta sa mga paningkamot ni Rev. Clemons sa maong dapit.Ang proyekto naglakip sa pagtukod og usa ka parke ug pag-ayo sa daghan nga mga daang mga estraktura.

Si Elder Ballard ug Rev. Clemons naghisgut sa ilang tinguha sa paghiusa sa Simbahan ug Pleasant Hill sa paglig-on sa mga komunidad pinaagi sa paglig-on sa mga pamilya.Ang duha ka mga lider nakamatikod nga sila dunay daghang komon — ilabi na sa ilang tinguha sa pagsunod sa Manluluwas pinaagi sa paghigugma ug pag-alagad niadtong nanginahanglan.

Niadtong Enero 29, gipahibalo nga ang gipanag-iya sa Simbahan nga high school Benemérito de las Américas sa Siyudad sa Mexico, Mexico, himoon na nga missionary training center.

Si Elder Russell M. Nelson ug si Elder Jeffrey R. Holland, sa Korum sa Napulog Duha Ka mga Apostoles, nangulo ug namulong niadtong Enero 29 sa miting sa Benemérito campus diin ang mga plano alang sa umaabut nga MTC gipahibalo. Ang kausaban nga gikan sa eskwelahan ngadto sa MTC gipaabut nga mahitabo human sa katapusan sa tuig sa tingklase sa Benemérito sa Hunyo 2013. Sobra sa upat ka dekada, ang pasilidad sa Benemérito de las Américas usa ka boarding school mao nga ang mga dormitory ug uban pang gikinahanglan nga inprastraktura alang sa MTC anaa na.

Ang bag-ong MTC mobansay sa mga elder, sister, ug mga magtiayon kinsa moserbisyo dili lamang sa Mexico, apan usab sa ubang mga nasud sa North, Central ug South America. Gani ang mga misyonaryo gikan sa Estados Unidos nga gitawag og Spanish-speaking assignment sa ilang kaugalingong nasud mahimong bansayon sa Siyudad sa Mexico. Ang MTC sa Provo, Utah, mopadayon sa pagbansay sa Spanish language training alang usab daghang mga misyonaryo.

Ang pinakabag-ong year-in-review sa Billboard nga magasin, sa recording industry trade publication, nagpakita sa katapusan sa tuig nga mga tsart alang sa 2012. Sa usa sa mga tsart, ang choir, uban sa Orchestra sa Temple Square, ginganlan nga Nag-unang Traditional Classical Albums Artist.

Sa kinatibuk-ang, ang choir ug ang orchestra naapil sa lista sa katapusan sa tuig ug kaduha sa lista sa album. Nahimutang kini sa ikatulo ug ikasiyam sa Traditional Classical Album (alang sa mga album Glory! Music of Rejoicing ug This Is the Christ; ikaupat sa Traditional Classical Albums Imprint; ikalima sa Traditional Classical Albums Label; ug ikadose sa Classical Crossover Albums (alang sa album Glad Christmas Tidings nga nagpakita ni David Archuleta).

Dugang sa mga kalampusan sa industriya sa rekording, ang choir niadtong Enero 17 nakakuha og usa ka milyon nga manan-away sa YouTube channel nga gisugdan nga wala pay tulo ka bulan ang milabay, niadtong Oktubre 30, 2012. Ang channel adunay gibanabana nga 3.23 ka milyon ka minutos nga gitan-aw sa mga manan-aw sa katapusan sa tuig 2012. Sa pag-access sa channel, adto sa www.YouTube.com/user/MormonTabChoir.