Iren Mahsen en Padahk en Pas, Sulai 2013
Padapadahk oh Esehla Rongamwahuo
Onopiki ni kapakap iren mahsen wet oh, ni eh pahn konehng, koasoaiahkihieng lih akan me komw kin pwarek. Doadoahngki peidek kan pwehn seweseikomwi kakehlailih riomw lih akan oh pwehn elehieng Pwihn en Sawas en Lih en wiahla pali kesempwal en pein ahmw mour. Pwehn alehdi iren kapehse kapatapat, tehk reliefsociety.lds.org.
Pwoson, Peneinei, Sawas
Sises Krais wia sounpadahk semen men. E ketin ketkihda men karasaras ni E “kasukuhli liakan nan mwutin aramas de emen emen, pohn ahlakan oh ni oaroarkan, ni pwarero oh nan imwerail kan. E kasalehda limpoak mehlel ohng irail oh kakehlailiada irail oh arail peneinei kan.”1
E padahkih Martha oh Mary oh “luke ira en wiahla Sapwellime tohnpadahk oh iang komourla, ‘mehkot mwahuwie’[Luk 10:42] oh sohte me kak kihsang ira.”2
Nan pwuhk sarawi en imwin-rahn akan, Kauno mahsenihong kitail en padahkih emen emen me pid kosonned en wehio (tehk D&C 88:77). Me pid padahk oh esehla padahk akan, Cheryl A. Esplin, sounsawas keriemen en presidensi lap en Primary, kosoaia, “Esehla duwen wehwehkila ni unsek kosonned kan en rongamwahuo wia ehu doadoahk erein atail mour oh kin wiawi ehu lain pohn ehu lain, ehu ire pohn ehu ire, ekis me oh ekis mwo (tehk 2 Nephi 28:30).3
Ni atail esehla, onop, oh kapakap, kitail pahn padahk sang ni manaman en Ngehn Sarawi, me pahn peuse atail padahko “ketikihong nan mohngiong en aramas akan [oh lihakan]” (2 Nephi 33:1).
Sang Pwuhk Sarawi Kan
Sang Atail Poadoapoad
Atail soukohp en mahsko kataman ohng kitail ni atail wia lihkei kitail ahniki pwukoa kesempwal en wia sounpadahk nan imwatail oh nan Mwomwohdiso. Nan Septempe 1979, President Spencer W. Kimball (1895–1985) peki kitail en wiahla “lih kan me samanih pwuhk sarawi kan.” E masanih: “Samanihala pwuhk sarawi kan—kaidehn pwehn kihdi mehteikan, ahpw en pwekirailda! Mwurin mehkoaros, ihs me anahne en ‘kolokol mwahu’ mehlel kan en rongamwahuo (pwe ren kak doadoahngki ansou me re anahne) sang lihakan oh nohno kan me kin pwukoahki epwel mwahu oh padahk?”4
Kitail koaors wia sounpadahk oh tohn sukuhl. Ni atail kin padahk sang pwuhk sarawih oh mahsen en soukohp kan, kitail kin sewesehda mehteikan en kohdo rehn Krais. Ni atail kin wiewia kasukuhl sang ni peidengki peidek audapan kan oh uhd rong mwahu, kitail kak diar pasapeng kan me sair pein atail anahn kan.
Dahme I Kak Wia?
-
Ia duwen ahi kaukaunop en wiahla emen sounpadahk mwahu?
-
I kin ehukiong riei lihakan me I kin sinsile ahi kadehde?
© 2013 sang Intellectual Reserve, Inc. Kolokol pwuhng koaros. Ntingda nan USA. Kamanaman ong lokaiahn wai: 6/13. Kamanaman ong kawehwe: 6/13. Kawehwehpen Visiting Teaching Message, July 2013. Pohnpeian. 10667 885