Karaoa te Warebwai

Beretitenti e ana ana taeka Spencer W. Kimball (1895–1985) ngke e taekinna bwa “Taian tienoro bon kawai ni wareki ara kakabwaia ao katukan warebwai ni kakabwaia akanne(ibukiia ara kariki bwa a na warekia) ibukin maiuraoira.” N te maungatabu ni kabuta n Okitobwa 2012, Beretitenti Thomas S. Monson e anga ana koaua ni korean ana tienoro. E tibwai tabeua bwaaai ake e rinanona ni maiuna, n reitia, “Au tienoro ni katoabong are I kawakinna inanon ririki aikai, e a tia ni buokai ni karekei tabeua bwaai aika onoti ake N na bon aki kona n uring.” E reirei, “Karaoa te warebwai inanon maiu ao n tarai bwai aika onoti ibukin te kakabwaia, aika bubura ao aika uarereke, ake koa tia ni karekei” (“Iangoi Kakabwaia,” Riaona ao Ensign, Nobembwa 2012, 86). Mwakuri iaon reirei aikai mai irouia burabeti ao katei ami kouru ni korea ami tienoro.