2013
Mweeraoi
Aokati 2013

Rongorongo n Reirei ni Kakawari, Aokati 2013

Mweeraoi

Tataro mwaaka ni kamatebwaia te bwai n reirei aei, n arona ae riai, maroroakinna ma aine ake ko kawariia. Kabonganai titiraki bwa a na buokiko ni kakorakoraia aine ao ni karaoa te Bootaki n Aine bwa iteran maium ae kakaawaki.Ibukin rongorongona riki tabeua, nakon reliefsociety.lds.org reliefsociety.lds.org

Onimaki, Utu, Buoka

Oin te kantaninga n te mweeraoi te Ekaretia bwa e na buokia kaain te aro bwa ana rki n toronibwai, n taraaruaia aika a kanaka ma ni kainnano, ao n anga te mwakuri n ibuobuoki. Te mweeraoi e mena iaan ana mwakuri te Botaki n Aine. E taku, Beretitenti Henry B. Eyring, te Moan ni Kauntira n te Moan Beretitentii:

“[Te Uea] e katauraoi kawai man waakin te tai ibukia Ana reirei bwa ana ibuobuoki. E a tia n kaoia natina ni katabui aia tai, kaubwaia, ao n ira te waaki ni beku ibukia tabeman. …

E a tia ni kaoira ao n tuangiira bwa ti na ibuobuoki n Ana mwakuri n tabekiia rake naake a kainnano. Ti karaoa te berita anne man te ran ni bwabetito ao man Ana tembora te Atua aika a tabu. Ti kaboua te berita n taian Tabati ngkana ti taua te toa.1

Iaan ana kairiri te bitiobi ao te beretitenti n te mwaanga, taan kairiri n te aba a ibuobuoki ibukin te mweeraoi n te maiu n rabwata ao n te maiu n tamnei. Taai ni beku n angin te tai e moanaki ma taan reirei ni kakawari ake a ukera te kairiri n ataia bwa a na kanga ni kaeka kainnanoia aine ake a kawaria.

Man Koroboki aika Tabu

Ruka 10:25–37; Iakobo 1:27; Motiaea 4:26; 18:8–11; Doctrine ao Covenants 104:18

Man Ara Rongorongo ni Kawai

N Tuun 9, 1842, te Burabeti ae Iotebwa Timiti e kamwakuri aine n te Botaki n Aine bwa a na “buokia kainnano” ao nikamaiui “tamneia aomata.”2 Kouru aikai a teimatoa ni mena inuukan te Botaki n Aine ao a kamatataki inanon ara botoniango, “E bon aki bwaka te tangira” (1 I-Korinto 13:8).

Ara kaniman ni beretitenti ni kabuta n te Botaki n Aine, Emmeline B. Wells, ao ana kauntira a katabwena te botoniango n 1913 bwa te kauring ibukin aan reirei: “Ti katanoata oin ara kantaninga n … [taua] ni kamatoai ana reirei te Burabeti ae Iotebwa Timiti ngke e kaota te babaire ike a na kakorakoraki iai aine iaan ana kaetieti te nakoanibonga bwa a na ikotaki nako nanon botaki aika a riai ibukin oin te kantaninga ni buokia aika a aoraki, ni buokia aika a kainnano, ni karau nanoia aika a kara, ni kauringia aika a mamara, ao ni buokia aika a akea aia karo.”3

N te bong aei, te Botaki n Aine iai ana kairoro n aroia aine ni katabangaka te tangira, ana tangira Iesu ae itiaki, nakoia raoraoia (taraa Moronai 7:46–47).

Bwai aika a na taraaaki

  1. Henry B. Eyring, “Opportunities to Do Good,” Liahona and Ensign, Meei 2011, 22.

  2. Joseph Fielding Smith, n Daughters in My Kingdom: The History and Work of Relief Society (2011), 63.

  3. Naati Aine n Abanueau, 63.

Tera ae I Kona ni Karaoia?

  1. N na kanga ni katauraoai ao au utu n te maiu n tamnei ao n te maiu n rabwata?

  2. N na kanga n ira ana katoto te Tia Kamaiu ngkai I buoki kainnanoia aine ake I taraaruaia?