Ropada oh Ntingiedi

President Eyring kasalehda me President Spencer W. Kimball (1895–1985) mahsanih me iei “pwuhk en ketemen wia ehu elen atail pahn kak wadekada atail pai kan oh kihdi ketemenpen kapai pwukat ohng kadoadokatail kan” Nan kapokon lap en Oaktohpe 2012, President Thomas S. Monson wia eh tungoal kadehde me pid pwuhk en ketemen. E kasalehda ekei irair sang ah mour, nda, “Nei pwuken ketemen, me I kolokolehr sounpar kei, sawaskidahr ekei oaritik en soahng kei me I sohte pahn kak pein tamanda mwuhr.” E kaweidki, “Ropada oh ntingiedi duwen amwail mour ahpw mehlel kapai kan, me laud oh tikitik, me kumwail alehier” (“Consider the Blessings,” Liahona oh Ensign, Nohpempe 2012, 86). Nantiong idawehn kaweid en soukohp akan oh koasoanehdi kumwail en ntingiedi nan noumwail pwuhk en ketemen kan.