2013
Sawas de Welfare
August 2013

Iren Mahsen en Padahk en Pas, Oakos 2013

Sawas de Welfare

Onopiki ni kapakap iren mahsen wet oh, ni eh pahn konehng, koasoaiahkihieng lih akan me komw kin pwarek. Doadoahngki peidek kan pwehn seweseikomwi kakehlailih riomw lih akan oh pwehn elehieng Pwihn en Sawas en Lih en wiahla pali kesempwal en pein ahmw mour. Pwehn alehdi iren kapehse kapatapat, tehk reliefsociety.lds.org.

Pwoson, Peneinei, Sawas

Pwurokirahm en sawas en Mwomwohdiso mie pwehn sewese towehkan en kak uhtohrda, apwalih me semwehmwe kan, oh papah ohng aramas. Pwurokirahm en sawas wet iei me wia inondehn doadoahk en Pwihn en Sawas en Lih. President Henry B. Eyring, Sounsawas Keieu nan Presidensi Keieu, padahngkier:

“[Kauno] sangete ni tapio ketkihdahr wiepe kan pwe Sapwellime tounpadahngko en sawas. E ketin luke Sapwellime serihkan en meiroangki arail ansou, arail pai kan, oh pein irail pwehn iang Ih papah mehteikan. …

“E ketin lukehier oh poahngoakih kitail en towehda Sapwellime doadoahk pwehn pwekada irail me anahn. Kitail kin inouki en wia met nan pihl en pepdais oh nan tehnpas sarawi kan en Koht. Kitail kin kehsapahlih inouo ni Rahn Sarawi kan ni atail kin alehda kamadipw sarawi.”1

Sang ni kaweid en pisop oh president en prans, kaun kan en ehuehu kousapw kin sawas ni pali ngehn oh sawas en nan mour wet. Sawas kin kalapw wiawi ni ansou me sounpadak en pas kan kin rapahki kaweid sang powe pwehn ese ia mwomwen arail pahn kak tehkada anahn en riarail lihakan me re kin pwarek.

Sang Pwuhk Sarawi Kan

Luk 10:25–37; Seims 1:27; Mosiah 4:26; 18:8–11; Doctrine and Covenants 104:18

Sang Atail Poadoapoad

Ni Suhn 9, 1842, Soukohp Joseph Smith kepwukoahki tohn Pwihn en Sawas en Lih en “sewesehda me semwehmwe kan” oh en “doarehla aramasakan.”2 Kepwukoah pwukat wiewiahte inonden doadoahk en Pwihn en Sawas en Lih oh ihme sansal nan atail pwihn, “Limpoak me poatopoat, sohte imwi” (1 Korint 13:8).

Kelim-men en president lap en Pwihn en Sawas en Lih, Emmeline B. Wells, oh eh tungoal sounsawas kan kalohkihda lepin padahk pwoatet nan 1913 pwehn kataman irehkan me poasoanehda pwihno: “Se kalohkihda me iei aht pwukoah … sen [kolokol] tengeteng kaweid eripit kan en Soukohp Joseph Smith ni eh kasalehda koasoandi me lih akan pahn alehdi manaman sang ni malipilip en priesthood pwehn kauwada pwihn kei me pahn pwukoahki wia epwelpwen irail me soumwahu, sewese irail kan me anahne sawas, apwalih me mah, kaweid irail me soakoahiek, oh apwalih seri sopwoupwou kan.”3

Rahn wet Pwihn en Sawas en Lih lelehr wasa koaros nan sampah ni arail kin peuse limpoak mehlel en Krais ohng mehn mparail kan (tehk Moroni 7:46–47).

Iren sawas akan

  1. Henry B. Eyring, “Ansou Mwahu kan en Wia me Mwahu,” Liahona oh Ensign, Mei 2011, 22.

  2. Joseph Smith, nan Daughters in My Kingdom: The History and Work of Relief Society (2011),63.

  3. Daughters in My Kingdom, 63.

Dahme I Kak Wia?

  1. Ia mwomwen ahi kaukaunop ien apwalih ie oh ahi peneinei ni pali ngehn oh nan mour wet?

  2. Ia mwomwen ei pahn kak alasang Sounkomouro ni ei pahn apwalih anahn en riei lihkan me I kin pwukoahki?