Ang Ating Pahina

2013

Setyembre 2013

Mga Content
Mga Nilalaman
- Mga Ideya para sa Family Home Evening
Ang mga Banal sa Lahat ng Panahon
- Nagawa Kong Kalimutan ang Aking Kalungkutan
- Paglilingkod sa Buong Panahon
Pag-asa sa Sarili
Notebook ng Kumperensya ng Abril 2013
- Mga Kuwento mula sa Kumperensya
Ang Priesthood ay Dapat Gamitin nang Karapat-dapat
Hindi Ako Kailanman Sinigawan ng Panginoon
Name withheld
Ano ang Ibig Sabihin ni Jesus sa Atin Ngayon?
David B. Haight
Mga Balita sa Simbahan
Ang Aking mga Panalangin ng Pasasalamat
Christie Skrinak
Ang Katarungan at Awa ng Diyos
Jeffrey R. Holland
Maawaing Katulad ni Cristo
Randy L. Daybell
Paano Itinatatag ang Doktrina?
Kailangan ng mga Kabataang Lalaki sa Panahong Ito ng Mabubuting Huwaran
Hikari Loftus
Nananatiling Malakas na Panawagan
Richard M. Romney
Mga Tinig ng mga Banal sa mga Huling Araw
Mga Young Adult
- Ang Kanyang Biyaya ay Sapat
  Brad Wilcox
Mga Kabataan
Mga Bata
Ang Pinakamahabang Sacrament Meeting
Okon Edet Effiong
Larawan ng Propeta

Ang Ating Pahina

Setyembre 2013

Ang Ating Pahina

Mahal na mahal ko ang nanay ko at gusto ko siyang tulungang maghugas ng pinggan. Ipinagdarasal ko rin ang tatay ko. Alam ko na sinabi sa atin ng Ama sa Langit na, “Huwag saktan ang mga tao, huwag silang bansagan, at huwag saktan ang maliliit na hayop.”

Ya-Se C., edad 4, Taiwan

Sa family home evening, gusto kong nagbabahagi ng isang talata sa banal na kasulatan at manalangin. Gusto ko ang mga kaibigan ko sa Primary, at gusto kong nag-aalaga ng mga kalapati. Gusto kong magpunta sa Nauvoo Illinois Temple balang-araw, at gusto ko ring maging missionary. Mahal na mahal ko ang aking pamilya! Alam ko na ang Simbahan ay totoo, at mahal ko ang Aklat ni Mormon.

Prince M., edad 9, Philippines

Nagbabasa ng mga banal na kasulatan si Prince at ang kanyang mga kapatid na babae sa family home evening.

Macarena G., edad 8, Chile

Maligayang Kaarawan, ni James C., edad 5, Peru

Alam ko na si Jesucristo ay buhay, na mahal Niya tayo, at na ang Simbahan ay totoo. Itinuturo ng kuwento tungkol sa punungkahoy ng buhay na kung susundin natin ang ebanghelyo, maaari tayong lumigaya.

Manuelis R., edad 5, Venezuela

Sarah G., edad 6, Guatemala

Pagsisikap na Tularan si Jesus

Paglabas ko ng gym sa eskuwelahan isang araw, nagkalat ang laman ng backpack ko, at nawawala ang isang laruan ko roon. Naisip ko na kinuha ng kaibigan ko ang laruan ko dahil tinangka niyang bilhin iyon sa akin noong araw na iyon. Nalungkot ako dahil ibig sabihin nito ay hindi na kami magkaibigan. Nang gabing iyon ipinagdasal ko na maunawaan ng sinumang kumuha ng laruan ko na mali iyon at ibalik niya iyon sa akin. Kinabukasan sa eskuwelahan ibinalik sa akin ng kaibigan ko ang laruan at humingi siya ng tawad sa akin para maging magkaibigan kaming muli. Napakasaya ko, at pinatawad ko siya. Nagpapasalamat ako na kaming magkaibigan ay tinulungan ng Espiritu Santo na gawin ang tama. Alam ko na makapagdarasal ako sa Ama sa Langit kahit kailan at tutulungan Niya ako.

Brandon A., edad 8, Mexico

Minsa’y inihatid namin ng nanay ko ang mga kapatid kong lalaki sa airport dahil magbibiyahe sila. Matindi ang trapik noon, at natakot kami na baka maiwan sila ng eroplano. Hindi rin maganda ang pakiramdam ng nanay ko. Noon ako nanalangin, at sumampalataya akong sasagutin ito. Naihatid naman namin ang mga kapatid ko sa eroplano sa oras! Alam ko na dininig ng Ama sa Langit ang panalangin ko.

Sara P., edad 11, Italy

Nang isa o dalawang araw na lang ay binyag at kumpirmasyon ko na, nilagnat ako at sumama ang pakiramdam ko. Ayaw kong ipagpaliban ang binyag ko. Nadama ko na dapat ko iyong ituloy sa takdang araw. Maraming kamag-anak at kaibigan ang nagpunta sa binyag ko, ang ilan ay hindi miyembro ng Simbahan. Nang mabinyagan ako, nawala ang lagnat ko, at gumaan ang pakiramdam ko. Nang araw na iyon nadama ko nang napakatindi ang Espiritu Santo. Nagpapasalamat ako na nabinyagan ako at natanggap ko ang Espiritu Santo.

Sara M., edad 8, Spain

Gustung-gusto ng mga batang Primary ng Monay Ward, Cuenca Ecuador Stake, na matuto tungkol sa ebanghelyo.

Hindi ko malilimutan ang araw ng binyag ko dahil iyon ang pinakamahalagang araw sa buhay ko. Sa araw na iyon ako nakipagtipan sa Ama sa Langit. Alam ko na ang Ama sa Langit at ang Kanyang Anak na si Jesucristo ay buhay at na mahal na mahal Nila ako. Gustung-gusto kong magpunta sa templo, kahit hindi pa ako puwedeng pumasok.

Milton Aarón V., edad 10, Ecuador

Si Milton kasama ang kanyang ama sa araw ng kanyang binyag.