Cov Hluas
Lub Txiaj Ntsim uas Yog Jen
Tus sau zaj no nyob hauv Utah, USA.
Thaum kuv kawm qib 10 hauv high school kuv xaiv ua tej yam tsis zoo. Tej yam uas kuv xaiv li ntawd ua rau kuv raug xwm txheej loj heev thiab ua rau kuv tsis zoo siab, ces kuv txiav txim siab tias kuv yuav siv lub caij ntuj sov thaum kuv tsis kawm ntawv kom pib hloov siab. Thaum kuv rov qab pib kawm ntawv, kuv noj su hauv chav dej los yog qhov kis tsev uas tsis muaj neeg kom txhob ntsib cov neeg tsis zoo uas tos txais kuv.
Ua rau kuv kho siab kawg.
Ces Vajtswv muab ib lub txiaj ntsim rau kuv: Nws xa Jen rau kuv. Nws tsis tau txiav txim rau kuv vim kuv ua yuam kev tiam sis nws txhawb nqa kuv kom kuv taug txoj kev yog mus ntxiv. Qhov uas kuv paub tias nws yuav nyob ntawm tsev kawm ntawv tau pab kuv nyeem vaj lug kub thiab ua rau kuv zaj lus tim khawv muaj zog ntxiv. Thaum kuv kawm ntawv tiav, kuv twb paub tias kuv yuav hloov siab tiag.
Tej lub sij hawm kuv xav seb kuv yuav zoo li cas yog tias Jen tsis tau pab kuv. Kuv puas yuav muaj cuab kav ua raws li kuv tej ntsiab cai yog tias tsis muaj nws? Zoo siab uas kuv yuav tsis paub lus teb vim nws txaus siab pab kuv kawg siab kawg ntsws.