Kisakis en Jen

I wiahda pilipil sapwung kei nan keriau en pahr en high school. Pilipil pwuko elehiengie kahpwal laud oh nsensuwed, eri I medewehda en tepida kapwungala ahi mour nan ansoun kommoal en sukuhl. Ansou me sukuhl pwurehng tepida, I kin mwonge nan imwen kainen de nan wasa me sohte aramas pwe I en dehr pwurehng patehng aramas me pahn suwed I en patehng.

I sohte kin kehn loaloid duwe me I kehn ansoukiset.

Koht eri kadarodohngie kisakis ehu: E kadarodo Jen. E sohte kin kadeingkinie ahi sapwung kan ahpw kin kangoangeie en doulahte nan ahl me pwung. Pwehki ahi ese me e pahn mihmi nihmwen sukuhlo seweseie en doulahte wadek pwuhk sarawi oh kakehlailih ahi kadehde. Ni ansoun kesepwil eh leledo, I kamehlelehier ong pein ngehi me I uhdahn men wekila.

Ekei pak I kin medewe iawasa I pahn mihie rahn wet ma Jen sohte seweseie. I pahn kak kolokol pilipil mwahu kan mah sohte ih? Paiete I sohte anahne ese pwe Jen mihmi mwo ni mohngiong unsek, onop oh ngoangki en seweseie.