I Kak Ehukihda ehu Pwuken Mormon?

Ni keieun pahr me I iang high school, ahi sounpadahk en seminary-o luke aht pwihno en kihieng kompoakapaht me sohte iang towe mwomwohdiso wet Pwuken Mormon. Mehndahte ahi udahn namenek, I alehda luhko.

Mwurin rahn kei I ahpw ahnikihda soupeikasal, ngehi eri kihieng kompoakapahio Britny pwuhko ansoun mwengehn souwas oh ngehi kihda ahi kadehde mwotomwot. Britny kalahngankihengie pwehki pwuhko.

Ni imwin pahr en sukuhlo, Britny kosoula ekis wasa, ahpw se kin lokolokaiapenehte. E ndahiengie duwen ah sukuhl kapwo oh duwen kerenieng koaros kompoakapah ko ahr wia tohn Mwomwohdiso wet, ahpw e sohte kin kosoiahiengie mehkot me pid pali ngehn.

Met wekila mwohn ei kohkohla nan ahi misin. I alehdi kisin likou sang Britny ndinda me mie lapalahn rohng kapw ohngie: e pahn pepdaisla, oh e men kalahngankihengie ei wia kompoakapah oh kin kasalehieng karasaras mwahu.

Koht doadoahngki pwutak namenek men sounpar 15 me saikinte wia doadoahk en misineri oh ketkihieng ih en ehukihda rongamwahuo ong emen me E mwahngihier pahn alehda. I ese me sang ni atail kin rongorong Ngehno, kitail koaros kak diar aramas kan me kin awiawih en esehla rongamwahu kopwurupwurdohu. I ese me ma kitail sewese wahdo menda ma emente aramas rehn Kauno, atail peren pahn laud reh nan wehin Samatailo! (tehkD&C 18:15).