2013
Doadoahk Sarawi en Sises Krais: Iehros en Koht
December 2013

Iren Mahsen en Padahk en Pas, Tihsempe 2013

Doadoahk Sarawi en Sises Krais: Iehros en Koht

Onopki ni kapakap ire pwukat oh rapahki ken esehla dahme ke pahn ehukihda. Ia mwomwen ahmw wehwehki duwen mour oh doadoahk en misin en Sounkomouro eh pahn kalaudehla ahmw pwoson Ih oh kapaiada irail akan me ke kin tetehk sang ni omw kin wia amw padahk en pas? Pwehn alehdi iren sawas kapatapat, tehk reliefsociety.lds.org

Kilel
Kilel en Pwihn en Sawas en Lih

Pwoson, Peneinei, Sawas

Atail Sounkomouro, Sises Krais, kahdaniki Iehros en Koht pwehki Ih kelehpw nan sampah me ipwisang rehn nohno men en sampah oh Pahpa men me mour poatoapoat. E sohsohki manaman sarawi sang Koht, Semeo. Sang Ine, Mery, E sohsohki mour en sampah oh kin iang kehn duhpek, men nimpil, pwangada, lokolok, oh mehla.1

Pwehki Sises Krais wia Iehros en Sahmo, E kak tohnmeteikihla Ah mour oh pwurehng alehda. Pwuhk sarawihkan padahngki me sang ni tomwo de tomwpen dihp en Krais kitail pahn iasada (tehk Jacob 4:11). Kitail pil kin esehla me koaros pahn kak iasadahng mour poatoapoat oh alehdi mour soutik ma kitail pahn kamehlele (tehk D&C 29:43).

Ni atail pahn wehwehkihla laud ia wehwehn Sises eh ketin wia Iehros en Sahmo, atail pwoson Krais pahn laudla. Elder D. Todd Christofferson en Pwihn en Wahnpoaron Ehk-Riemeno nda, “Pwoson Sises Krais wia lamalam loal oh kamehlelpen (1) me Ih Iehros en Koht, (2) Sapwellime Tomwpen Dihp poatoapoato, oh (3) Sapwellime Iasadao.”2 Soukohp en mwehi wet kadehdehki: “[Sises Krais] wia … Iehros nan uduk, Soundor en sampah.”3

Sang Pwuhk Sarawi Kan

Sohn 3:16; Doctrine and Covenants 20:21–24; Moses 5:6–9

Sang Atail Poadoapoad

Nan Kadehde Kapw kitail wadekada duwen lih akan, me adarail sansal oh pil soh, me kin pwoson Sises Krais, esehla oh momourki Sapwellime padahngkan, oh kadehdehki Sapwellime kalohk, manaman kan, oh lapalap. Lih pwukat wiahla karasaras en tohnpadahk kehlail kei oh sounkadehde kesempwal kei nan doadoahk en komour.

Ni karasepe, Martha wia kadehde kehlail me pid duwen sarawi en Sounkomouro ni ansou me e mahsanihong Ih, “I kamehlele me komwi Mesaia, Sapwellimen Kohto, me pahn ketidohng sampah” (Sohn11:27).

Ekei me tepin wia sounkadehde en Sounkomouro eh ketin sarawi iei Ah nohnohu, Mery, oh Elisapet me e pahn rianiki. Mwurinte tohnleng Gabriel ah pwarek Mery, liho pwarek Elisapet. Ansou me Elisapet rong en Mery ah rahnmwahuo, e “direkihla Ngehn Sarawi” (Luk 1:41) oh kadehdehkihda me Mery pahn wiala inen Sapwellimen Koht Iehros.

© 2013 sang Intellectual Reserve, Inc. Kolokol pwuhng koaros. Ntingda nan USA. Kamanaman ong lokaiahn wai: 6/13. Kamanaman ong kawehwe: 6/13. Kawehwehpen Visiting Teaching Message, December 2013. Pohnpeian. 10672 885

Iren sawas akan

  1. Tehk Gospel Principles (2009), 52–53.

  2. D. Todd Christofferson, “Building Faith in Christ,” Liahona, Septempe 2012, 13.

  3. “Krais Ieiaso: Kadehde en Wahnpoaron Akan,” Liahona, Epreil 2000, 2–3.

Dahme I Kak Wia?

  1. Ia kahrepen eh kesempwal I en wehwehki sapwellimen Sises Krais pwukoa kan?

  2. Ia duwen atail pwoson eh kak laudila ni atail kin kolokol atail inou kan?