Serem testemoni blong yu.

Yu save serem presen blong gospel long Krismas ia taem yu givim long wan fren o neiba wan kopi blong Buk blong Momon wetem testemoni blong yu we yu raetem insaed long hem. Folem ol step ia blong mekem rere:

1. Long wan pis blong pepa, mesarem wan rektangol we i abaot 11½ x 16½ sentimita mo askem wan adalt blong i helpem yu blong katemaot.

2. Ademap wan pikja blong yuwan—i nomata wan we yu dro long hem o wan foto blong yuwan—antap long pej.

3. Raetem testemoni blong yu andanit long pikja blong yu.

4. Askem wan adalt blong helpem yu putum klu long pepa ia insaed long kova blong Buk blong Momon.