Feagaiga faa-Aperaamo

• *2025 T.L.M.

• *2000 T.L.M.

• *1950 T.L.M.

• *1900 T.L.M.

• *1825 T.L.M.

• *1800 T.L.M.

• 1600 T.L.M.

• 1300 T.L.M.

• 1000 T.L.M.

• 700 T.L.M.

• 400 T.L.M.

• 100 T.L.M.

Mea na Tupu

Valoaga

Itulagi i Sasae

Itulagi i Sisifo

Aperaamo

Uso o Iareto (sa Iareto)

Itulagi i Sasae

Itulagi i Sisifo

Mose

Uso o Iareto (sa Iareto)

Faapotopotoina

Faataapeapeina

Faapotopotoina

Faapotopotoina

Faataapeapeina

Faapotopotoina

Malo i Matu (tagai i le 1 Tupu 12:2–20)

Malo i Saute

Malo i Matu Faataapeapeina (ituaiga o Isaraelu na leiloloa)

Malo i Saute Faataapeapeina

• Aperaamo

• Sara

• Isaako

• Repeka (ava a Isaako)

• Esau

• Iutiti

• Pasemeta

• Sa Etoma

• Iakopo

• Lea

• Selepa

• Pila

• Rasela

• Reupena

• Simeona

• Levi

• Mose, Arona

• Iuta

• Tupu o Tavita

• Isaia**

• Neemia

• Isakara

• Sepulona

• Kato

• Asera

• Tanielu

• Nafatali

• Iosefa

• Efaraima ma Manase

• Liae (sa Nifaē ma sa Lamana)

• Peniamina

• Akara

• Isamaeli

• Sa Isamaelī

• Sa Isamaelī

• O nisi tagata o Arapi

• Kitura

• Sa Mitiana

• Sa Mitiana

• Ietero

1. Na soifua mai Aperaamo i Uro, i le laueleele o Kaletaia. Na tapuai lona tama i atua ese.

   Aperaamo 1:1, 5–7, 27

2. Sa papatisoina Aperaamo; na ia mauaina le perisitua mai ia Mekisateko.

   Mataupu Faavae ma Feagaiga 84:14; Aperaamo 1:2–4

3. O Ieova (Iesu Keriso) na faaali mai ia Aperaamo, na laveaiina o ia mai le oti o se taulaga i atua pepelo.

   Aperaamo 1:8–16

4. Na poloaiina e Ieova Aperaamo e tuua Uro, ma folafola atu o le galuega a Aperaamo o le a lauiloa ai Lona suafa i le lalolagi e faavavau.

   Aperaamo 1:16–19

5. O Aperaamo, Sarai (o lona toalua), ma isi tagata o le aiga na nofoia le laueleele o Arana.

   Aperaamo 2:1–5

6. Na faatuina e Ieova Lana feagaiga ma Aperaamo; o fanau a Aperaamo o le a avea ma se faamanuiaga i aiga uma o le lalolagi.

   Aperaamo 2:6–11

7. O Aperaamo ma lona aiga na nofoia le laueleele o Kanana. Na folafola e Ieova le laueleele i ana fanau pe a latou amiotonu. Ona latou malaga lea i Aikupito.

   Aperaamo 2:6, 12–25

8. E ala atu i le Urima ma le Tumema, na vaai ai Aperaamo i le nofoalii o le Atua, o le muai olaga, ma le foafoaga o le lalolagi.

   Aperaamo 3–5

9. I Aikupito, na avea Aperaamo ma se failauga maoae o le talalelei ma faamanuiaina.

   O Se Kopi o Ata Faatusa mai le Tusi a Aperaamo, Nu. 3

10. Ua toe foi atu Aperaamo ma lona aiga i Kanana. Ua faamaonia e Ieova Lana feagaiga e faavavau ma Aperaamo.

    Kenese 13:1–4, 12–18

11. Na talanoa Ieova ma Aperaamo i se faaaliga, ma sa faailoa atu e Aperaamo se naunautaiga ina ia maua se fanau. Sa toe faamautuina e le Alii Lana feagaiga.

    Kenese 15:1–21

12. Valoaga O nisi o le fanau a Aperaamo o le a avea ma se “tagata ese” i Aikupito.

    Kenese 15:13–14

13. O le poloaiga a le Atua, na tuuina atu ai e Sara lana auauna tamaitai, o Akara, ia Aperaamo i le faaipoipoga.

    Kenese 16:1–4; Mataupu Faavae ma Feagaiga 132:28–35

14. Na faaali le agelu a le Atua ia Akara. O le a faamanuiaina tele foi ana fanau o e tupuga mai ia Aperaamo. Ua fanau Isamaeli.

    Kenese 16:7–16

15. Na faaali Ieova ia Aperaamo, ma toe faamautuina ai Ana folafolaga. Sa peritomeina e Aperaamo tama tane uma o lona aiga e avea ma se faailoga o le feagaiga.

    Kenese 17:1–27

16. Valoaga O le a fanauina e Sara se tama tama e igoa ia Isaako ma o ia o le a faatuina ai le feagaiga faa-Aperaamo.

    Kenese 17:15–21

17. Sa fanau ia Isaako. Sa ta’u atu e Ieova ia Aperaamo o le a Ia faamanuiaina uma ia Isamaeli ma Isaako. (Tagai i le valoaga e 16.)

    Kenese 21:1–5, 12–13

18. Valoaga O le a avea Isamaeli le tama a Akara ma tamā o “se malo tele”. O ana fanau na avea ma malo e 12 po o ituaiga.

    Kenese 21:17–20; 25:12–16

19. Na faamaonia e Ieova Ana feagaiga ma Aperaamo ina ua uma ona ia faaalia lona naunautaiga e ofoina atu lona atalii o Isaako e fai ma taulaga.

    Kenese 22:1–19; Iakopo 4:5

20. Na poloaiina e le Atua, na faaipoipo Aperaamo ia Kitura. O le a faamanuiaina tele foi le la fanau tama e toaono.

    Kenese 25:1–4; Mataupu Faavae ma Feagaiga 132:28–35

21. Na faamanuia e Aperaamo ma tuuina atu meaalofa i Ona atalii uma, ona maliu lea o ia i le 175 o tausaga.

    Kenese 25:5–10

22. Na faaali atu Ieova ia Isaako, ma faamautuina le feagaiga faa-Aperaamo faatasi ma ia, lana ava, o Repeka, ma le la fanau.

    Kenese 26:2–5, 24–25; Mataupu Faavae ma Feagaiga 132:37

23. Na faaali atu Ieova ia Iakopo, ma faamautuina le feagaiga faa-Aperaamo ma ia ma ana fanau.

    Kenese 28:10–22

24. O le poloaiga a le Atua, na faaipoipo ai Iakopo ia Lea, sosoo ai ma Rasela, sosoo ai ma Pila, ma sosoo ai ma Selepa. E toasefululua le fanau tama ma le teine e toatasi na fananau mai.

    Kenese 29–30; Mataupu Faavae ma Feagaiga 132:37

25. Na poloaiina e Ieova Iakopo e toe foi atu i le laueleele folafolaina o Kanana. Na suia le igoa o Iakopo ia Isaraelu.

    Kenese 31–32

26. Na faaali Ieova ia Iakopo (Isaraelu) i Peteli, faafouina le feagaiga faa-Aperaamo.

    Kenese 35:1–13

27. Na faaalia Ieova ia Isaraelu ma poloaiina o ia e ave lona aiga i Aikupito.

    Kenese 46:1–7

28. Na faamanuiaina e Isaraelu ona atalii ma fanau a fanau o Efaraima ma Manase ma o latou aiga. Sa ia folafola atu ia te i latou o le a fesoasoani le Atua ia i latou e toe foi atu i le laueleele o Kanana i se aso.

    Kenese 48:21

29. Valoaga O se vaega o lona faamanuiaga faapeteriaka, na folafola ia Iosefa o le a ia maua se fanau e faatoateleina.

    Kenese 48:19; 49:22–26

30. I Aikupito sa faatoateleina tupuaga o Isaraelu ma ta’ua ai o le fanauga a Isaraelu (sa ta’ua foi o le aiga o Isaraelu). (Tagai i le valoaga e 12.)

    Kenese 50

31. Valoaga O le a “faatuina” e le Atua se perofeta (Mose) e laveai Isaraelu mai le nofo pologa i Aikupito.

    Faaliliuga a Iosefa Samita (FIS), Kenese 50:24, 34–36 (i le faaopoopoga o le Tusi Paia); 2 Nifae 3:10, 17

32. Valoaga O le a faataapeapeina le aiga o Isaraelu, ma o le a ola se “lala” i le laueleele o Amerika.

    FIS, Kenese 50:25 (i le faaopoopoga o le Tusi Paia); 2 Nifae 3:3–5, 16

33. Valoaga O le a toefuatai mai e se “tagatavaai filifilia” (Iosefa Samita) le malamalama i le feagaiga a le Atua ma Aperaamo.

    FIS, Kenese 50:25–33 (i le faaopoopoga o le Tusi Paia); 2 Nifae 3:6–15

34. Na faaali Ieova ia Mose, o le na mauaina le perisitua mai ia Ietero. Na tuua e le fanauga a Isaraelu ia Aikupito. (Tagai i le valoaga 31.)

    Esoto 3:1–10; 13:17–22; Mataupu Faavae ma Feagaiga 84:6

35. Na folafola atu e le fanauga a Isaraelu i le Mauga o Sinai o le a latou tausia le feagaiga faa-Aperaamo.

    Esoto 19:3–9; 24:3

36. Talu ai ona sa solia e le fanauga a Isaraelu le latou folafolaga, na latou maua se tulafono maualalo o poloaiga faaletino.

    Esoto 32–34; Kalatia 3:19–24; Mataupu Faavae ma Feagaiga 84:19–26

37. Na faaali Ieova ia Iosua, faafouina Lana feagaiga ma poloaiina le fanauga a Isaraelu e ulu atu i le laueleele o Kanana e avea ai ma se tofi.

    Iosua 1:1–9

38. Ina ua mavae le tele o tausaga i Kanana, na le toe tausia e le fanauga a Isaraelu le feagaiga. Sa sauaina i laua e o latou fili.

    Faamasino 2–3

39. E ala i le perofeta o Natano, na osia e Ieova se feagaiga e faavavau ma le Tupu o Tavita ma ana fanau.

    2 Samuelu 7:1–17; Mataupu Faavae ma Feagaiga 132:38

40. Valoaga O le a faataapeapeina tagata o le Malo i Matu (ua ta’ua o Isaraelu) ma le Malo i Saute (Iuta) i atunuu uma.

    Amosa 9:5–10; Mika 3:9–12

41. Valoaga O le a mafatia ma puapuagatia le Mesia (Iesu Keriso) mo agasala a le lalolagi.

    Isaia 53

42. Valoaga O le a toe maua e le Alii se toe vaega o Lona nuu, ma faatuina se tagavai mo atunuu uma.

    Isaia 11:11–12; Amosa 9:9

43. Valoaga O le a faamafanafana e le Alii Lona nuu, togiola Ierusalema, ma faaali atu Lona mana i atunuu uma.

    Isaia 40:1–2, 11; 41: 10; 52:9–10

44. Valoaga O le a faafouina le lalolagi i le vaitaimi maoae o le meleniuma, ma o le a faagata ai ma’i uma ma faanoanoaga.

    Isaia 25:6–9; 33:20–24; 35; 61:2–5

45. Na faataapeapeina e tagata Asuria le nuu o le Malo i Matu ona o le amioleaga. (Tagai i le valoaga 40.)

    2 Tupu 17:5–18

46. Valoaga O le a toe faapotopotoina i Ierusalema nisi o tagata Iutaia (se toe vaega) e auauna atu i le Alii.

    Ieremia 24:4–7

47. Sa latou tuua Ierusalema ma avea ma se malo i Amerika. (Tagai i le valoaga 29, 32.)

    1 Nifae 1–2; 18

48. Na teena e le nuu o le Malo i Saute le feagaiga faa-Aperaamo ma sa faataapeapeina e Papelonia. (Tagai i le valoaga 40.)

    2 Tupu 25:1–10

49. O nisi o le fanauga a Isaraelu na valaauina o tagata “Iutaia” na toe foi atu i Ierusalema, e toefausiaina le malumalu. Na apoapoai atu Esera i tagata e tausia la latou feagaiga ma le Atua. (Tagai i le valoaga 46.)

    Neemia 8–10

50. Na faatuina e tagata Hasamonia (Maccabees) se malo o Iutaia tutoatasi, na ta’ua o Iutaia, i le laueleele o Kanana.