Tusigāmanatu o le Konafesi o Oketopa 2013
A o e suesueina le konafesi aoao ia Oketopa 2013, e mafai ona e faaaogaina nei itulau (ma Tusigāmanatu o le Konafesi i lomiga i le lumanai) e fesoasoani ai ia te oe e suesue ma faaaoga aoaoga talu ai nei a perofeta soifua ma aposetolo ma isi taitai o le Ekalesia.
“O le mea ua fai atu ai A’u o le Alii, ua Ou fai atu ai; … pe i lo’u lava leo po o i le leo o a’u auauna, ua tutusa lava” (MF&F 1:38).
Folafolaga Faaperofeta
“E le mafai ona tatou faamalosi fanau a le Atua e filifili le ala i le fiafia. E le mafai e le Atua ona fai lena mea ona o le faitalia ua Ia tuuina mai ia i tatou.
“E alolofa le Tama Faalelagi ma Lona Alo Pele i fanau uma a le Atua e tusa lava po o a mea latou te filifili e fai po o a foi ituaiga tagata e avea ai i latou. Na totogi e le Faaola le tau o agasala uma, e tusa lava pe o le a le inosia. E ui lava e ao ona i ai le faamasino tonu, ae ua faasafua mai le avanoa mo le alofa mutimutivale lea o le a le faoa ai le faamasino tonu. … E mafai ona tatou maua le lototetele mai le faamautinoaga e faapea, sa i ai se taimi sa tatou lagonaina uma ai le olioli o le faatasia i le avea ai ma se tasi o le aiga pele a lo tatou Tama Faalelagi. Faatasi ma le fesoasoani a le Atua e mafai ai e i tatou uma ona toe lagona lena faamoemoee ma lena olioli.”
Peresitene Henry B. Eyring, Fesoasoani Muamua i le Au Peresitene Sili, “I Fanau a La’u Fanau,” Liahona, Nov. 2013, 71, 72.
O Upu a Perofeta i Luitau Faalemafaufau ma Faalelagona
“E faapefea ona e tali atu i se tulaga silisili pe a e fetaiai ma ni luitau faalemafaufau pe faalelagona po o i latou foi e te alofa i ai? E sili atu i lo mea uma, ia aua lava nei lafoaia le faatuatua i lou Tama i le Lagi, o le e alofa ia te oe e sili atu nai lo le mea e te malamalama i ai. … Aua lava nei e masalosalo i lena alofa, ma aua nei faamaaaina lou loto. Ia saili atu ma le faamaoni i faiga masani paia i taimi tofotofoina lea e aumai ai le Agaga o le Alii i lou olaga. Saili atu i le fautuaga a i latou o loo umiaina ki mo lou tulaga manuia faaleagaga. Talosaga atu ma faapelepele i faamanuiaga faaleperisitua. Taumafa i le faamanatuga i vaiaso uma, ma piimau i folafolaga o le Togiola a Iesu Keriso mo le faaatoatoaina. Talitonu i vavega. Ua ou vaaia le tele o na vavega ua oo mai a o faapea mai isi faailoga uma ua leai se faamoemoe. E lei leiloa lava le faamoemoe. Afai e le oo vave mai na vavega pe le atoatoa pe foliga mai ua leai lava, manatua le faataitaiga o mafatiaga o le Faaola lava ia: pe afai e le teenaina le ipu oona, inu i ai ma malosi ai, faalagolago i aso sili atu ona fiafia o i luma atu. …
“… Ou te molimau atu i lena aso o le a tutu ai e pele tatou te iloaina na i ai ni faaletonu o le tino i le olaga nei i o tatou luma i le mamalu ma le ofoofogia, ma maofa i le atoatoa o le tino ma le mafaufau.”
Elder Jeffrey R. Holland o le Korama a Aposetolo e Toasefululua, “Peiseai o se Ipu ua Nutililii,” Liahona, Nov. 2013, 40–41, 42.