Iango Ibukin Bootakin te Utu n te Tairiki

“Itiua te Bong Ni Karokoa te Itita,” iteraniba 10, ao “Te Tia Kakoaua ae Onoti e Kakoaua te Kristo ae Maiu,” iteraniba 16: Ko na bae n tangiria ni kabonganai bwaai n reirei inanon kataneiai aikai ni karaoi taromauri ni katoabong ma kaain am utu teuana te wiiki imwain te Itita. Ni moa man te Tabati are imwain te Itita, wareki aia koaua kaain te Moan Beretitentii iaon te iteraniba 17 ao ira te kaetieti inanon “Itiua te Bong Ni Karokoa te Itita.” Imwiina ni katoabong, wareki aia koaua Abotoro ake uoman ao kabonganai booki aika tabu, anene, ao waaki ni kakukurei inanon “Itiua te Bong Ni Karokoa te Itita” n tibwaua te rongorongo ma am utu. N Tabatin te Itita, ko kona ni mataku n tamnein te Baibara “He Is Risen” e kuneaki n lds.org/bible-videos (tauraoi n taetae aika mwaiti).

“E rang ni bebete anne, Tibu te unimwaane!” iteraniba 67: Imwiin warekan te bwai aei, ko na bae n tangiria naba n anaa am tai n tauminiti! Iangoa warekan te iteraniba man Ana Boki Moomon n te utu ao taua am tai n taraia bwa maanra. Kabonganan te tai anne bwa te bwai ni kareke iango, katautaua bwa a na maanra ae a na kabanea am utu ni wareka ana Boki Moomon. Ko na bae n tangiria ni katea te kouru bwa kam na bootaki ni wareka ana Boki Moomon. Karekean te tai, n aron te wareware n te tai are e a tia ni baireaki ni katoa bong, e kona ni buokiko ni kakoroa nanon am kouru.