Koaua ke Kewe?
N tabetai ataakin te koaua man te kairua e bon kangaanga, ma Tamara are i Karawa e a tia n anganiira bwaintituaraoi aika korakora ni buokiira n ataa te kaokoro imarenan ana koaua te Atua ao ana kewe Tatan.
Ngkana ko a tia ni karaoa te ukeuke ae uarereke ma ana titiraki ae koaua ke kewe, ko ataia bwa n tabetai e kangaanga bwa ko na kina te kairua. N ti te arona, n reitaki ma titiraki aika kakawaki iaon te onimaki, kakoaua, ao maiuakinna ni katoabong, ngkai e rangi ni kakawaki bwa kona ataa te kaokoro imarenana bwa tera ae koaua ao ae e aki, e aki bebete aio n taainako.
E ngae n anne,ao ti aki kainnanoa te mwaaku n ai aroia taan aki tauraoi ni karaoa te ukeuke ae uarereke. Tamara are i Karawa e a tia ni kakabwaiaira ma bwaintituaraoi aika bati ni buokiira bwa ti aonga ni kina Ana koaua ao ana kewe te tia kaitara.
Kakaokoron nako Aekan Rongorongo aika kairua
Te moan, n aron kabwarabwaran te iango, aio te kamwaninga ae uarereke ae koaua ke e kewe ibukim:
-
Namakaina e bon kiriin. koaua kewe
-
Neil Armstrong, kaain te Apollo 12 are ngaia te moan aomata n nakonako iaon namakaina, e taku bwa te bwai ae e riki aio bon “kiban te aintoa ibukin te botanaomata.” koaua kewe
-
Te National Aeronautics ao Space Administration (NASA) buroukuraem e aki kona n nako Mars inanon 1969, ai ngaia are a nakon namakaina. koaua kewe
-
Solar winds, radiation, cosmic rays, ao bwaai n totoko riki tabeua a tia ni karekea tikun te rokete are e kaainaki irouia aomata n aki koro bukina, n ikotaki ma te tamnei bwa e tara ni bitaki aia rongorongo taan mataku a aki boraraoi iaon tabeua rongorongona, ai ngaia are ana tautaeka te U.S.e a tia ni karaoa te bwai anne ni kabane. koaua kewe
Te kaeka nakon titiraki akanne bon Kewe, ao titiraki aikai a tei ibukin tabeua titiraki aika a kaairua ake ko kona ni kaitibo ma ngaai.
Titiraki 1 bon tiaki te koaua ae bebete, te kairua ae mataata. Titiraki 2 bon te koaua ae e aki tabwanin, ao e bon kamwamwane, ngkana e toa ma teuana ke e raka riki koauana ma te rongorongo ae kairua (bon Apollo 11, ma tiaki Apollo 12—ae kamwaneko!). Titiraki 3 iai inanona te kairua ae uoua nanona, ke te bwai ae riki tii uoua te anga are a kaotaki ake bon tiaki tii aanga akanne (NASA e kona n tia n rineia e na aki nako n te tabo teuana, ibukin te katooto). Titiraki 4 bon te kauntaeka “ae teretere”, are e a kamanena ae mwaiti ae rawata iaon aia koaua aika a riai ma n angin te tai kakoaua aika kairua bwa e na kairiko nakon te kabanea n iango ae onoti ae kairua.
Kewe aika Boou
Ngkana e a roko nakon te bwai are e na roota am iango, koaua, rinerine, ao arom—bwaai ake iai mwiia aika akea tokiia—e na bongana n tara kakaokoron aekakin rongorongo aika kewe, ngkai Tatan, “taman taian kewe” (2 Nibwaai 9:9), e kona ni kamanenai kawai nako are e kona ni keweira iai. Aikai tabeua katooto ae e kanga ni karaoia n te bong aio, n ikotaki ma katooto are ti na kanga ni kaitara ma te koaua.
Tiaki koaua aika Bebete
|
Iango aika Kewe: |
E Kairiko Nakea (Keewe aika Bubura): |
Te Koaua: |
|
Mwakuri aika tangako e bon tau ao n aki kaikoaka temanna. |
Waaki ao matakuakina mwakuri aika tangako. |
Mwakuri n tangako a kabwaoua ara taratara iaon tabera ni karikibwai, e kona ni karekeko tangirana, e korakora kaikoakan tamneira iai, ao e kona ni uruaki taian reitaki. |
Koaua aika aki Bwanin
|
Iango aika Kewe: |
E Kairiko Nakea (Keewe aika Bubura): |
Te Koaua: |
|
Aomata n tatabemaniia nako a bon kakaokoro ao a kona ni maiu n aron are e rineia teuanne ke neienne, ai ngaia are ko kanga n namakinna ao ni kabwarabwarako bwa bwaai aika moan te kakawaki inanon maium. |
Ko aki riai ni kariaia te Atua ke te Ekaretia bwa e na tuangko bwa ko na kanga ni maiu, ai ngaia are waaki nako ao ni karaoa are ko tangiria bwa ko aonga n namakina ae tamaroa. |
Ngaira n tatabemaniira bon natin te Tama are i Karawa aika ti kakaokoro, are e tangiriira n riki n ai arona are te kabanea n tamaroa ao n riki n Aiarona. Te ongotaeka nakon Ana tua e na buokiira ni karekea te kimareirei ae te kabanea n tamaroa. |
Uoua itera aika Kewe (Tii Uoua Aanga)
|
Iango aika Kewe: |
E Kairiko Nakea (Keewe aika Bubura): |
Te Koaua: |
|
Te Ekaretia e reireinira ni kaitarai aekan maiu aika kakaokoro; ai ngaia are, e na bon n ribaia aomata—e na aki kariaia ao n tangiriia. |
Ngkai te Ekaretia e aki butimwaia ao ni kairiribai, e bon riai bwa e na winantiaki bwainingareaki, ao ni kabuakakaki, ai ngaia are ko riai ni katoka reitakim ma ngaia. |
N aki butimwaea aekakin maiun temanna e aki boraoi ma te riribai ao te aki butimwaea. Ti kona ni kaota te nanoanga, karinerine, ao te akoi nakoia ni kabane—n ikotaki ma aomata ake aekakin maiuia a kaitara ana tua te Atua—ngkai ko tiku ni koaua nakon te Atua ao Ana tua. |
Kauntaeka aika “Teretere raoi”
|
Iango aika Kairua: |
E Kairiko Nakea (Keewe aika Bubura): |
Te Koaua: |
|
Tabeua bwaai n Ana Boki Moomon a kakeweaki man aia kakoaua taan rabakau ngkai, ao rongorongon bwa e kanga n rairaki a bon kauntaba ibon irouia, ai ngaia are Iotebwa Timiti e a tia n karaoia ibon irouna ao ni kawea man te tabo teuana. |
Ana Boki Moomon e bon aki koaua ao Iotebwa Timiti bon tiaki te burabeti, ai ngaia are katoka reitakim ma te Ekaretia. |
Te Tiaenti e kamatoai bwaai aika bati inanon ana Boki Moomon, ao te “kakoaua” te kaitara e bon kabarekaaki. Ma te kabanea ni kakawaki ni kakoaua ibukina bon ana kakoaua te Tamnei n tuangko bwa e bon koaua ae Iotebwa Timiti bon te burabeti ae koaua. |
E Kangara Ataakin te Koaua
Ngaia are e roko mai iaara te tamnei ae bwanin ibukin ukokoran te koaua? Ti na kangaara ni kona n taratara rinanon rongorongo aika kairua? Aikai tabeua bwaintituaraoi aika mwaakaroiroi te Tama are i Karawa e a tia n anganiira bwa ti aonga n ata te koaua man te kairua.
-
Ootan Kristo. “Bon Ootan Kristo … e tuangiia aomata ni kabane ake iai irouia te iango ae raoiroi ni kabuta te aonaaba bwa ana ata te koaua man te kairua, te eeti man te bure. E kamwakura nanom are e tuangko bwa tera ae raoiroi ao ae buakaka.”1
-
Te Tamnei ae Raoiroi . “Tamnein te koaua … e na kairingkami nakon te koaua ni kabanea” (Ioane 16:13).
-
Koroboki aika a tabu. “Te Atua e kamanenai koroboki aika tabu ni kaeti iango, aika kairua, katei aika kewe, ao te bure ma mwiina ae korakora.”2 Ana Boki Moomon e bon rangi ni kakawaki n te iango aio, ibukina bwa e “kaotiia ana kairiribai Kristo. E na kunei kairuan reirei aika kewe ma itabarara. (Tara 2 Nibwaai 3:12.)”3
-
Burabeti aika ngkai. “Taben te [burabeti] bon karikan ataakin ana kantaninga ao aron raoi te Atua nakoia aomata. … Te burabeti e kabuakaka te bure ao n taekina te bwai ae na riki imwiina.”4
-
Te Reirei. “Aomata aika itiaki … a ukoukora te reirei man te kamatebwai, ao man te onimaki naba. Te Reirei … e kakonabwaia temanna n ataa te koaua man te kairua, ai moarara riki aron kamatebwaian booki aika tabu. (Tara D&C 88:118.)”5
E ngae ngkana e aki bebete aron kaekana n taainako bwa Koaua ke Kewe ngkana ko kaitarai ni kabane iango aika kakaokoro ikekei, ana bwaintituaraoi te Tama are i Karawa are e a tia n anganiko ao ni buokiko bwa kona bwaati te ukeuke.