Lototele

“Ina ia mafai ona tatou faia ni faaiuga sa’o, e manaomia le lototele—le lototele e fai atu ai leai pe a tatau ai, le lototele e fai atu ai ioe pe a talafeagai ai, le lototele e faia ai le mea sa’o ona e sa’o. …

O lea lototele patino o loo aofia ai foi le faia o le mea sa’o e tusa lava pe tatou te fefefe, i le puipuia o o tatou talitonuga ma e tusa foi pe faifai mai ai tagata ia i tatou, ma le faatumauina o na talitonuga e tusa lava pe faamatauina ai le o ese o uo po o le faaletonu ai o o tatou tulaga faaleagafesootai. …

A o tatou agai pea i luma, ma tatou taumafai e ola e pei ona tatau ai, o le a mautinoa lava tatou te mauaina le fesoasoani mai le Alii ma mafai ona maua ai le mafanafana i Ana afioga.”

Peresitene Thomas S. Monson, “Ia Faamalosi ma Loto Tele,” Liahona, Me 2014, 66, 67, 69.