Elia

Ata

The Old Testament prophet Elijah standing next to an altar. Elijah has his arms extended as he commands fire from heaven to consume the altar.

Sa ou auauna atu o se perofeta i le Malo i Matu o Isaraelu.² Ona o le amioleaga o le fanauga a Isaraelu, sa ou faamauina ai le lagi mai le timu, na mafua ai se oge i le laueleele. I le taimi o le oge, sa ou nofo i se alia ma na aumaia e oreva ia te au ni meaai, ona mate lea o le alia.³

Na poloaiina au e le Alii ou te alu i se fafine sa nofo i Sarefata, ma o le a ia fafaga ia te au. Sa ou maua atu o ia o faaputuputu ni laau e saunia ai se taumafataga mulimuli mo ia lava ma lana tama tama. Sa ou fai atu ia te ia afai na te fafaga ia te au muamua, “[o le a] le uma le kate falaoa, o [le a] le faaitiitia foi le suauu i le fagu, seia oo i le aso e foaiina mai ai e Ieova le ua i le laueleele.”⁴ Sa ia faatinoina le faatuatua, ma na faataunuuina e le Alii Lana folafolaga.

A o ou nofo faatasi ma lona aiga, na oti le tama tama a le tina ua oti lana tane. Sa ou aioi atu, “Ieova e, lou Atua e, ia e faafoisia mai le agaga o lenei tama i totonu ia te ia.”⁵ Na faafofoga mai le Alii i la’u tagi, ma na toe ola lana tama tama.⁶

Mulimuli ane, sa ou faaalia le mana o le Alii i le nuu o Isaraelu e ala i le luiina o faitaulaga a Paala i se tauvaga. Na saunia e faitaulaga se taulaga ma valaau atu ia Paala i le aso atoa e auina mai i lalo le afi, ae na leai se afi na oo mai. Sa ou fausia se fatafaitaulaga i maa e 12, o se faatusa o ituaiga e 12 o Isaraelu, ma eliina se alavai faataamilo i le fata faitaulaga. Ona ou faia lea ina ia palavivi le fata faitaulaga ma taulaga ina ia matua faasusu i ni paelo vai e 12, ia lofia ai fafie ma faatumuina le alavai. Na ou valaau atu i le Alii, ma na Ia auina mai i lalo le afi lea na mu ai le taulaga, o le fata faitaulaga, ma le vai. Mulimuli ane, sa ou tatalo atu i le Alii, ma sa Ia tatalaina le lagi i le timu.⁷

I le faaiuga o lo’u olaga, ou te lei oti, ae na aveina ae i le lagi i se kariota afi.⁸ I le taimi o le galuega a Keriso i le lalolagi, na ou faaali atu i luga o le Mauga o Liua ma tuuina atu ki o le perisitua ia Peteru, Iakopo ma Ioane.⁹

Sa ou toe faaali atu i aso e gata ai “e liliu atu loto o tama i le fanau, ma le fanau i tama,” i le oo mai i le Malumalu o Katelani i le aso 3 o Aperila, 1836, ma toefuatai mai ki o le mana o faamauga ia Iosefa Samita ma Oliva Kaotui.¹⁰