Manatu mo Afiafi Faaleaiga

“Faaatoatoaina ia Keriso, itulau e 42: I le faaaogaina o aoaoga a Elder Gong e uiga i le fiaatoatoa, tuu faatasi se suega o le sao-pe-sese mo lou aiga e fesoasoani ai ia i latou ia iloa ai pe o i ai ia i latou ni faanaunauga o le fiaatoatoa. E mafai ona e faaaogaina faamatalaga e pei “e mafai ona ou fiafia e tusa lava pe ou te faia ni mea sese” po o le “E faigata ia te a’u ona faamagalo i isi” i lau suega. Faitau faatasi, mea o loo aoao mai e Elder Gong e uiga i le faalagolago i le Faaola. E mafai foi ona e faaaoga itulau e 146–47 i le Talai La’u Talalelei: O Se Taiala mo le Galuega Faafaifeautalai e aoao atu ai le auala e faatutu ai ni sini talafeagai ma faatoilalo ai le fiaatoatoa.

“O Lo’u Tino o se Malumalu, itulau e 68: Faaaoga fesili o i le tusiga lenei e aoao atu ai lau fanau pe faapefea ona faaaloalo ma alofa i o latou tino. E mafai ona e tufaina atu ni meaai maloloina māmā, e pei o fualaau aina po o fualaau faisua, e aoao ai lau fanau i uiga masani lelei o le tausami. Atonu e te manao e taaalo i se taaloga po o le faia o se gaoioiga i fafo e fesoasoani ai i lau fanau e talisapaia le soifua maloloina lelei ma le malosi. Ia uunaia lau fanau e aapa atu i se tamaitiiti po o se talavou i la latou uarota, paranesi, po o le aoga o loo i ai ni manaoga faapitoa. E mafai foi ona outou pepese “Ou te Savali ma Oe” (Tusipese a tamaiti, 78).