Salida kabahin ni Joseph Smith Anaa na Karon sa Hulu

Minilyon ka mga tawo karon aduna nay access sa salida nga hinimo sa Simbahan sa pagpasidungog kang Propeta Joseph Smith. Ang Joseph Smith: Prophet of the Restoration, usa ka film nga naghulagway sa kinabuhi ug panulundon sa Propeta, anaa na karon nga matan-aw nga walay bayad sa Hulu, usa ka website nga nagtanyag og streaming sa video.

Ang salida mao ang unang film sa Simbahan nga nakasulod sa eksklusibo, dakong distribution channel sama sa Hulu, diin adunay mga 4 ka milyon ka mga subscriber nga makatan-aw diha dayon, maka-stream sa video pinaagi sa Roku, Apple TV, Xbox, PlayStation, ug mga smartphone ug tablets nga makakonektar diha sa Internet. Ang pagbutang sa film diha sa Hulu dili lang makapa-access sa mga miyembro sa Simbahan nga mas dali, apan makahatag usab og oportunidad sa daghang mga tawo kinsa dili mga LDS nga mas makatan-aw ug masayud kabahin sa Simbahan.

Ang mga miyembro kinsa nagtan-aw, mohatag og mga komentaryo, ug mogrado sa salida nga mas nakapasayon sa salida nga daling makit-an sa uban.