Ekkejel n̄an Indeeo n̄an Baam̧ļe eo Aō

Ke rekar kōkaajririk eō ke ej jilu aō iiō, lukkuun jinō ekar kōtļōk kōkaajriri eo bwe en pen eļan̄n̄e jinō im jema renaaj errā in kōm̧m̧ane kain̄i ko aō ilo m̧ōn jar eo ālkin an naaj 12 aō iiō. Liin jinō ekar ļōmņak ij aikuj in naaj rūttoļo̧k im make kōm̧m̧ane kālet eo aō make, ak ekar lukkuun pen n̄an kōttar.

Aaet, ekar pen n̄an aō lo elōn̄ iaan ro m̧ōtta rekar peptaij ke rekar ralitōk aer iiō, ak ta eo ekar ļapļo̧k an pen ekar jeļā ke iban kar maron̄ in liāp ippān jinō im jema ro rekar kōkaajririk eō im ro ļalem jeiū m̧ae iien ikar 12. Ikar mijak eļan̄n̄e enaaj kar waļo̧k juon men n̄an n̄a im iban kar maron̄ liāp ippāer.

Ilo an kar epaaktok raan in ļotak eo aō bwe en jon̄oulruo aō iiō, kōm kar jino karōk iien peptaij eo im liāp eo n̄an baam̧le eo aō. Jinō im jema rekar kōtļo̧k bwe in kālet make tampeļ ta kōm naaj liāp ie. Ikar ļōmņak tampeļ eo ilo San Diego California ekar eo eaiboojoj tata, kōn menin aolepān baam̧le eo aō rekar errā n̄an ettōrļo̧k n̄an California n̄an liāp ie.

Ikar kijooror in erom m̧ōttan baam̧le eo indeeo ippān ro jinō im jema im ro jeiū im jatū. Ilo iien liāp eo aō, ekar kajoor aō en̄jake Jetōb eo ijjab maron̄ kōmeļeļeik ilo naan. Kiiō ke em̧ōj aō liāp ippān baam̧le eo aō, en̄jake in inepata ko aō em̧ōj aer bōk jikier kōn kaenōm̧m̧an im aenōm̧m̧an, jeļā ke kiiō ij ekkejel n̄an indeeo n̄an er.