Dakpan, Ikaw Na Sad!
Ang tagsulat nagpuyo sa Utah, USA.
Morag dili na nindot nga ideya—dili alang ni Ally.
“Buot kong magmabination, sa tanang katawhan” (Songbook sa mga Bata, 83).
“Ganahan ko sa recess!” Si Ally misulti ni Lauren samtang ilang gibutang ang ilang mga lunch box balik sa estante sa ilang mga klasehanan. “Si Tami miingon nga kitang tanan magdula og dakop-dakop sa playground karon.”
“Makalingaw!” Miingon si Lauren. “Ganahan ko og dakop-dakop.”
Si Lauren nalipay ug nasurprisa nga si Tami midapit ni Ally sa pagdula. Si Tami pirme nga dili maayog buot ni Ally. Si Lauren nalipay nga siya sa katapusan naningkamot nga magbinuotan.
“Mag-uli una ko og libro ngadto sa librarya, mao nga siguroa nga dili sila magsugod nga wala ko.” Mipahiyom si Ally samtang siya nagdagan padulong sa librarya.
Si Lauren midagan ngadto sa playground. Sa pag-abut niya didto, gipundok na ni Tami ang ubang mga bata diha sa sirkulo. Nagdagan si Lauren aron sa pag-apil kanila.
“Pagdali, mong tanan!” Misulti si Tami samtang siya misinyas sa tanan sa pagpaduol ngadto niya. “Duna koy makalingaw nga ideya nga isulti sa tanan sa dili pa moabut si Ally dinhi.”
Dili maayo ang gibati ni Lauren bahin niini.
Ang tanang bata nagpaduol pag-ayo aron makadungog. “Imbis sa pagdakop sa tanan nga maoy buhaton nato pirme,” Miingon si Tami, “si Ally lang ang atong dakpon. Apan kinahanglang walay usa nga mosulti niya, o di gani!” Miagik-ik si Tami. Ingon og siya mapasigarbuhon kaayo sa iyang kaugalingon.
Gitan-aw ni Lauren ang ubang mga bata sa sirkulo. Daghan niining mga bataa dili kaayo maayo ngadto ni Ally sukad pa sa kindergarten. Dinha magsugod nga ang mga bata midaug-daog ni Ally. Sila mobugal-bugal kaniya ug mosug-sug kaniya. Sa kasagaran si Tami maoy magsugod ug ang ubang mga bata mosunod.
Wala gayud ka gusto si Lauren kon giunsa nila pagtagad si Ally. Mihukom siya niana gayung higayuna nga siya dili mosunod kanila. Nasayud siya nga ang tanan anak sa Dios ug kinahanglan nga tagdon nga mabination.
Miginhawa siyag lawom ug mitan-aw ni Tami tumong sa mga mata. “Dili kana makalingaw nga ideya alang nako. Dili nato ingnon ana si Ally. Mao nga dili ko modula.”
Mihawa si Lauren gikan sa sirkulo ug mipaingon sa eskwelahan aron sa pagpangita ni Ally.
Nagtuo siya nga nag-inusara siya.
Dayon nakadungog siya, “Oy, kadiyot lang!” Milingi si Lauren ug diha ang kadaghanan sa mga bata gikan sa sirkulo ni Tami. Wala siya makatuo!
“Tana atong pangitaon si Ally ug magdakop-dakop ta og ato,” miingon si Damon.
“Gusto usab akong modula!” Miingon si Lea. Ang uban miyango.
Mipahiyom si Lauren. Nawala ang lain kaayo niyang gibati sa tiyan.
“Maayo nga ideya!” Miingon si Lauren. “Naa ra is Ally nagpaingon dinhi.”
Milingi siya ug gipikpik ang abaga ni Damon. “Dakpan ka, ikaw na sad!” siya misinggit, dayon midagan paingon ni Ally. Ug ang tanan nga mga bata nagginukdanay.
Paghulagway pinaagi ni Steven Keele