Ua Faia e Tusitusiga Paia se Eseesega ia te Au
E alala le tusitala i Metro Manila, Filipaina.
I Filipaina, e i ai ni aoga maualuluga faasaienisi mo tamaiti aoga talenia faaakatemia. O tamaiti aoga i nei aoga e tele atu mataupu latou te aveina, e tele itula i le vasega, ma e tuuto atu taumafaiga sili atu i meaaoga.
O lenei ituaiga o siosiomaga na lamatia ai au. Sa ou tuua ai le tele o mea ina ua ulufale atu i le aoga lea. Sa ou le aoaoina le taina o mea faimusika. Toeitiiti lava a ou le toe auai i gaoioiga a le Ekalesia, ma o isi taimi e misi ai sauniga faale-Ekalesia i Aso Sa ona o tauvaga i le va o a’oga. Sa ou tauivi e auai i le seminare, e ui lava sa faigofie ona ofoina mai le vasega i le faaiuga o vaiaso.
I se tasi aso Toonai, sa fai mai lo‘u faiaoga seminare i lona pisi tele i le aoga maualuga, ae sa mafai lava ona fai ona tofiga i le seminare ma suesue ia mau tauloto. Na ia luitauina i matou e faia foi faapea.
O luitau sa faaolaola ai au, ma sa ou taliaina le lu’i lea. Sa ou aveina a‘u kata o mau tauloto i soo se mea. Sa ou tatalo mo se fesoasoani e faafoe ai mea e moomia e la’u aoga. Sa ou faaaogaina uma faamalama o le taimi sa i ai. Sa ou taulotoina ia mau a o ou alu atu i le aoga. Sa faaitiitia lo’u talatalanoa ae ave ifo i luga a’u kata mai la’u taga. Na matauina e a‘u uo; na avea le totoina o kata o mau ma la matou gaoioiga fou i le taimi o malologa. Sa latou fiafia e fai a’u suega pupuu. Sa amata ona aumai e nisi a latou tusitusiga paia—e oo lava ia i latou o isi ekalesia. Latou te faasoa mai e uiga i gaoioiga i a latou lava lotu. Sa ou lagonaina ua suia le siosiomaga na siomia ai au, ma sa lagona ua māmā teisi le a’oga ma ua sili atu ona lelei.
Sa mulimuli o’u uso laiti e toatolu i lena faataitaiga, ma o lea la ua selesele e lo’u aiga ia faamanuiaga o tusitusiga paia i la matou sootaga i le aiga. Sa sili atu i le na ona taulotoina o upu; sa aoaoina au e lo’u faiaoga seminare i le eseesega o le a faia e tusitusiga paia ia te au ma tagata e siomia ai au. Ou te iloa o soo se luitau po o tofotofoga e oo mai i lo‘u aiga ma uo, matou te maua lava i taimi uma le malosi, taitaiga, ma le toafilemu i upu a lo tatou Faaola alofa.