2015
Selebretem Famle Haos Naet
October 2015

Selebretem Famle Haos Naet

Long 1915, ol lata‑dei profet oli givim kaonsel long yumi blong yumi putum aot wan aftanun long evri wik blong ol famle blong yumi. Oli bin singaotem “haos naet” fastaem—hem i wan taem blong lanem abaot gospel mo gat gud taem tugeta, mo long sem taem yumi stap mekem ol famle blong yumi i kam moa strong long wol ia mo long taem we i nosave finis.

Wan handred yia afta, famle haos naet i go hed blong helpem yumi blong bildim ol famle we bae oli stap tugeta kasem laef we i no save finis. Ol profet ol promes se tru long hemia, bigfala fet mo paoa long saed blong spirit bae i gro long ol hat blong yumi, mo bigfala proteksen, fasin blong stap wan, mo pis bae i stap wetem yumi long ol hom blong yumi.

Yumi evriwan i pat blong wan famle long wol ia mo yumi pat blong famle blong Papa blong yumi long Heven. Wea ples yumi stap long hem long wol ia mo long wanem situesen long laef blong yumi, yumi save selebretem mo tek pat insaed long famle haos naet.

Pikja
Parents and children reading from the scriptures. Shot in Thailand.

Long Lef: Moa Famle we oli jus mov nomo i go long Taelan, ples we oli lanem gospel mo oli bin kasem baptaes. Long famle haos naet, olgeta i stadi long Buk blong Momon, tugeta long Hmong, fas lanwis blong olgeta, mo Tai, niufala lanwis blong hom blong olgeta.

Pikja
Family playing games on table in Portugal

Daon: Stap glad tugeta mo ple ol gem hem i wan wei we ol Santos famle blong Potugal oli kam antap wetem blong gat fasin ia blong stap tugeta long famle hom evening.

Pikja
Series of images of people studying in groups, individually, in families sitting in Congo

Long raet: Famle i moa bitim mama, papa, mo ol pikinini nomo, long Dimokratik Repalik blong Kongo. Taem Brata Sukameno i tekem i kam tugeta ol famle blong hem long hom evening, plante long ol man long vilij i glad blong kam joen.

Pikja
Filipino mother sings and does actions with her young children.

Long antap: Sista Jekan blong Filipin i yusum ol praemeri singsing mo ol Miusik blong ol olfala bifo blong tijim ol piknini blong hem long glad ia blong gospel.

Pikja
Family in a kitchen

Long antap: Andesen famle, oli stap long kijin blong olgeta long Jojia, YSA, mo oli laekem blong mekem biskit., olsem we foto i soem Olgeta samtaem oli yusum ol biskit olsem pat blong wan lesen o blong oli kakae nomo.

Pikja
Family Home Evening.

Long antap: Brata mo Sista Reinol blong Washington, YSA, i lukaot ol wei blong tijim gospel long ol yang piknini blong hem blong oli save lanem mo andastanem.

Pikja
A Bolivian family sings a hymn during family home evening.

Long raet, stat antap: Espinosa famle blong Bolivia wetem apu woman we oli respektem, long famle haos naet taem oli stap singsing mo lanem abaot gospel.

Pikja
Family looking at photo albums.

Blong Jin famle blong Jojia, YSA, famle histri i wan ffamle haos naetaktiviti we oli laekem tumas. Olgeta i glad blong tijim ol pikinini blong olgeta abaot ol kastom mo kalja blong olgeta long Koria.

Pikja
A family walking together outdoors. Shot in Australia.

Ligetwud famle blong Ostrelia samtaem oli go aot long ol trip olsem pat blong famle haos naet, blong faenem aot ol naesfala pat blong siti blong olgeta.