Tala o le Tusi a Mamona
Ua Aoao Mai Samuelu e uiga ia Iesu
Mai le Helamana 13–15, 3 Nifae 1:13–15, 21
O Samuelu o se perofeta. Sa pe’a o ia i luga o le pa o se aai e talai atu ai. Sa ia ta’u atu i tagata e tatau ona latou salamo ma ia faatuatua ia Iesu Keriso.
Sa aoao atu Samuelu o le a le toe umi ae soifua mai Iesu. O le a pupula mai se fetu fou. O le lagi o le a tumau ona malamalama i le po atoa!
Sa ia aoao atu e faapea, a maliu Iesu, o le a pogisa mo aso e tolu. E tele ni aai o le a faaleagaina.
Sa talitonu nisi o tagata ma sa papatisoina. Sa le’i talitonu isi ma sa feitai. Sa latou tauai atu maa ma tafana atu a u ia Samuelu. Ae sa puipuia o ia e le Atua, ma sa le’i afaina o ia.
Sa taumafai tagata sa le’i talitonu e pu’e Samuelu. Ae na sola ese Samuelu.
O le lima o tausaga mulimuli ane, na soifua mai ai Iesu. Na pupula mai se fetu i le lagi. Sa pei lava ona aoao mai Samuelu!