Manatu mo Afiafi Faaleaiga
O lenei lomiga o loo aofia ai tusiga ma gaoioiga e mafai ona faaaoga mo afiafi faaleaiga. O ni faataitaiga nei se lua.
“O Mafuaaga e Sefulu Ou Te Fiafia ai i le Tusi a Mamona,” itulau e 12: A uma ona faitau faatasi o se aiga lenei tusiga, e mafai ona e valaaulia tagata taitasi o le aiga e lisi ia mafuaaga latou te fiafia ai i le Tusi a Mamona. Mafaufau e tuu atu i tagata taitoatasi e faasoa mai a latou lisi ma a latou mau e sili ona fiafia i ai mai le Tusi a Mamona. E mafai ona e faia se sini e vaavaai mo nisi mafuaaga e fiafia ai i le Tusi a Mamona a o outou faitauina faatasi e le aunoa.
“Ia I Ai i le Mea e Ao ona Tatou I Ai,” itulau e 66: E mafai ona e faitau e uiga i le aafiaga a Elder Funk i le filifili e tu i se nofoaga paia ona fai lea o le gaoioiga o loo avatu faatasi ai i le itulau e 67. Mafaufau e talanoa o se aiga i mea e paia ai se nofoaga ma pe mafai faapefea e tagata taitoatasi ona tutu i nofoaga paia, e tusa lava pe e le o totonu o se falesa po o se malumalu. Talanoa i le taua o le matafaioi a le Agaga Paia i le fesoasoani ia tatou tutu i nofoaga paia.